Биз Абдуҳолиқов билан боғланиб ундан ўзимизни қизиқтирган саволларга жавоб олдик.

- "Ал Сайлия" жамоасида қандай янгиликлар бор. Умуман ички чемпионат қай даражада кетмоқда?

- "Ал Сайлия" жамоаси мусобақа жадвалида тўртинчи поғонада бормоқда. Иккинчи даврани жуда ҳам ёмон ўтказяпмиз. Шунинг учун ҳам биздан олдинги жамоалар анча илгарилаб кетишган. Биздан кейинги жамоалар эса деярли бизга етиб олишди. Энди қолган 5та турдаги ҳар бир ўйинлар финалга тенг бўлади. Агарда барчасида ғалаба қозонсак, ОЧЛ "плеф-офф" йўлланмасини қўлга киритамиз.

- Жамоанинг салбий натижалар қайд этишига сабаб нима?

- Жамоанинг биринчи даврада кўрсатган ўйини иккинчи даврада умуман чиқмай қолди. Лекин ҳозир ҳам тўртинчи ўринни эгаллашимиз учун имкониятимиз бор.

- МТЖдаги ўзгаришлар ҳақида қандай фикрдасиз?

- Фақат ижобий фикр билдириб омад тилаб қоламан. Темур акан учун ЎФА томонидан узоқ келажакни кўзлаб қилинган режа, деб ўйлайман. Темур Кападзенинг ишларига омад ва муваффақият тилаб қоламан.

- Сизга бошқа жамоалардан таклифлар ёки қизиқишлар бўлдими?

- Албатта, таклифлар ҳам қизиқишлар ҳам бўлди. Лекин "Ал Сайлия" жамоаси билан шартномам борлиги сабабли ҳеч қандай трансфер ўхшамас эди. Ёзда кўрамиз.

- Ўзбекистондан таклиф бўлдими?

- Албатта, лекин бу сир бўла қолсин.

Жаҳонгир Сотволдиев суҳбатлашди

Темурхўжа Абдуҳолиқов: "Темур Кападзенинг ишларига омад тилайман"