- Аввало, бугунги туғилган кунингиз билан табриклаймиз, "Локомотив" таркибида янада кўплаб голлар уришингизни тилаб қоламиз. "Металлург" кучли жамоа, бугун рақибларнинг ҳимоясига қарши ўйнаш қанчалик қийин бўлди?

- Табрик учун раҳмат. "Металлург" кучли жамоа бўлса ҳам уларга қарши ўйнаш оғир демаган бўлардим. Бу ерда ўзига ишонч фактори муҳим роль ўйнайди. Шунингдек, вазиятлардан доимо унумли фойдаланмоқ даркор. Биз эса кучга эътибор қаратдик. Иккинчи бўлимда эса уларга ташаббусни топшириб қўйдик. "Металлург" биз билан ҳужумкор ўйнай олишини тушунди ва шу сабабли мен ҳам кўпроқ ҳимоячиларга ёрдам бериб турдим.

- Келинг, урилган биринчи гол ҳақида гапирсангиз. Ўша паллада сиз тўпни Кахи Махарадзега оширгандингиз. Ўшанда ўзингизда ҳам зарба беришга иштиёқ бормиди?

- Йўқ, у ерда ҳимоячилар менинг олдимга етиб келишганди. Агарда тўпни Кахига тезроқ оширмасам, вазият қийинлашиб кетарди. Ўз навбатида Махарадзе ҳам жуда қулай нуқтага очилиб келаётганди. Қувонарлиси, барчаси ўйлаганимдек бўлиб чиқди.

- Футболда футболчилар туғилган кунида гол уриши керак деган кичик қоида бор. Ўйиндан олдин сиз ҳам шу ҳақида ўйлаб кўрганмидингиз?

- Тўғрисини айтганда, ғалаба ҳақида ўйладим, туғилган куним эса иккинчи масала эди. Биз ёмон бўлмаган темп намойиш қилдик. Очколар қўлга киритяпмиз. Бу мен учун асосийси. Ҳали ушбу эгаллаб турган ўрнимиздан юқорироқ бўламиз. Барчаси ўз қўлимизда. Ҳар бир учрашувда ўзимизни кўрсатиб, максимал очколар орқали юқорироққа кўтарилишимиз керак.

Темурхўжа Абдухолиқов: "Туғилган куним эмас, гол ҳақида ўйладим"