Jamoa ustozi "qizil iblislar"ning niderlandiyalik hujumchisiga undan zo'rlash bo'yicha ayblovlar olib tashlanganidan xursand bo'lganini bildirdi. Premer-liga tomoni ichki tekshiruvlarni davom ettirmoqda.

Futbolchi 2022 yilning yanvar oyida video va tasvirlar internetga joylanganidan so'ng hibsga olingandi. Klub uning maoshini to'liq to'xtatib qo'ygandi. Grinvuddan o'tgan haftada ayblovlar olib tashlandi. Malum qilinishicha, 12 ta guvoh hamkorlik qilishdan bosh tortgan. Ayblovchi tomon esa arizasini aprel oyidan beri qaytarib olish niyatida bo'lgan. Shu sababli bosh murabbiy 21 yoshli futbolchi bilan aloqaga chiqib, uning holatini o'rganishga harakat qildi. "Manchester Yunayted" ayni paytda ichki tergovni olib bormoqda. Bu orqali klubning keyingi qadamlari qanday bo'lishiga qaror beriladi.

Ten Hag futbolchining jismoniy va ruhiy holatini tekshirish uchun u bilan gaplashdi. Murabbiy bungacha u bilan bevosita aloqaga chiqmagan. Bu har safar uchinchi tomon vositachiligida amalga oshirilgan.

Niderlandiyalik mutaxassis Grinvudga uning klubda qolishi yoki ketishi bilan bog'liq yakuniy qarorni faqatgina klub chiqarishini bildirgan.

Shaxsan jamoa ustozi u bilan gaplashgani uchun Meysonning kayfiyati ko'tarilgani aniq. U olti yoshidan buyon "Yunayted"da, u shunchaki ular uchun futbol o'ynash maqsadida maydonga qaytishni istaydi.

Malum qilinishicha, mankunianlarning ayollar jamoasidagi ayrim futbolchilar uning klubda qolishidan noqulaylik his qilishi mumkin. Bu Grinvudning kelajagini boshqa erda qurishi to'g'riroq bo'lishini ko'rsatmoqda. Unda Xitoy klubida o'ynash imkoniyati paydo bo'lishi mumkin.

Ten Hag Grinvuddan ayblovlar olib tashlanganidan mamnun