O'zgarishlar Surxondaryo viloyati futboli rivojiga salmoqli hissa qo'shadi, ayniqsa, hududning yosh avlodi uchun muhim ahamiyatga ega bo'ladi.

Tekshiruvdan so'ng stadionni zamonaviylashtirish, tomoshabinlar o'rindiqlarini, infratuzilmani, shu jumladan maysazor sifatini va boshqa masalalarni takomillashtirish bo'yicha reja tuzilib chiqildi.

Ish jarayonida stadionning maxsus yoritilishi FIFAning alohida tartiblariga muvofiq taminlanadi.

Dastlabki qiymati 1,5 mln AQSH dollari bo'lgan zamonaviylashtirish jarayoni ERIELL Group tomonidan taminlanmoqda. Tashkilotning boshqaruv raisi Baxtiyor Fozilov 2023 yildan “Surxon” professional futbol klubiga rahbarlik qilib kelmoqda.

Bu yilgi mavsumda “Surxon” PFK futbolchilari Coca Cola Superligasi va O'zbekiston kubogi o'yinlarida yuqori natijalarga erishdilar. Hozirda jamoa klub tarixidagi eng yaxshi natijalarni ko'rsatib kelmoqda.

Shu bilan bir qatorda, ko'plab yosh surxondaryolik futbolchilarni jamlab olgan klub akademiyasi ishlariga alohida ahamiyat berilmoqda.

Zamonaviylashtirish jarayoni nihoyasiga etgach, stadion sifatli o'yinlarni o'tkazish uchun kerakli standartlarga javob bera oladi va yana ko'plab futbol muxlislar maskaniga aylanadi.

Termizdagi stadionni zamonaviylashtirish ishlari qizg'in davom etmoqda