O'yin haqida

- Albatta bugungi o'yinga yaxshi tayyorgarlik ko'rdik. Namanganda o'ynash oson emasligini bilamiz. "Navbahor"ni muxlislar qo'llab-quvvatlashadi. Shunga qaramay yigitlar o'zini yo'qotib qo'yishgani yo'q. Bugun yaxshi harakat qildik. Gol urdik, biroq o'yinning oxirgi qismida gol qo'yvordik. Biz g'alabaga haqli edik deb o'ylayman. Jarima bo'yicha ham savol bor, "jonli devor" ham 11 metrga surildi. Lekin mayli, muhimi yigitlar ko'plab muxlislar qarshisida tajriba to'plashdi.

- "Olimpik" yaxshi loyiha. Shu loyihani viloyatlarga berish mumkinmidi? Masalan, muxlislarga to'lib toshgan stadionda o'ynash baribir boshqacha bo'lardi...

- Albatta, biz bu loyihani tashkil etganda maqsadni ko'zlab harakat qilgandik. "Olimpik" loyihasi o'zini oqlayapti. O'tgan davr mobaynida yigitlar ancha o'sishga erishdi. Terma jamoa bosh murabbiyi sifatida men uchun yaxshi. Chunki tayyor jamoa bor, bundan tashqari boshqa jamoalarda ham nomzod futbolchilar o'ynaydi. Hozir bizda raqobat juda kuchli. Balki kelgusida buni amalga oshirish mumkindir. Hozir barcha maqsadlarimiz olimpiadaga qaratilgan.

- To'g'ri aytdingiz, "Olimpik" yaxshi loyiha. Biz Parij olimpiadasi yo'lida jamoaga omad tilaymiz. Jamoa yigitlari o'sishga erishmoqda. Ammo, bugun bazi futbolchilar o'yin mobaynida ko'p etiroz qilishdi, tortishib ketishdi. Bu xolat jamoaning kelajagiga salbiy tasir ko'rsatmaydimi?

- Sizga shunday ko'ringan bo'lishi mumkin. Maydonda katta-kichik degan tushuncha yo'q. Raqibga hurmat saqlagan xolda fikrini bildirishga haqqi bor. Kamchiliklar bor bo'lsa, albatta biz murabbiylar futbolchilarga tushuntiramiz.

Timur Kapadze: "G'alabaga haqli edik deb o'ylayman"