Timur Kapadze: "OKMKni g'alaba bilan tarbiklayman. Bahs qiyin o'tdi, uni ustiga havo ham issiq bo'ldi. Ikkala jamoa bunday havoda ancha kuch sarfladi. Birinchi bo'limda biz yaxshiroq o'ynadik deb o'ylayman. Gol ursak ham bo'lardi, ammo omad bizga kulib boqmadi. Ikkinchi taym teng kurashlar ostida o'tdi va penalti hammasini hal qildi. Xato qildik. Bu bahsni tahlil qilib, keyingi uchrashuvga tayyorgarlik ko'ramiz. Yaxshi va yomon tomonlarimiz bo'ldi. Asosiysi yigitlar oxirigacha kurashishdi."

- Hisob o'yinga mos bo'ldi deb o'ylaysizmi?

- Bahs teng kurashlar ostida o'tdi. Bizda ham vaziyatlar etarli bo'ldi. Kim birinchi gol ursa, g'alabani o'sha jamoa qo'lga kiritardi.

- "Olimpik" o'yinidan ko'nglingiz to'ldimi?

- Biz ko'p vaziyatlarda raqibdan yaxshiroq harakat qildik, g'alabaga munosibroq edik. OKMK ham yomon o'ynamadi. Biroq biz ularga ko'p imkoniyat bermadik. Hujumda yaxshiroq harakat qilsak bo'lardi, ulardan unumli foydalanishimiz kerak. Bu futbol, tajribali futbolchilar aqlli qarorlar qabul qilib, g'alabaga erishishdi. Mayli, bu mag'lubiyatdan to'g'ri xulosa chiqaramiz.

Timur Kapadze: "G'alabaga munosibroq edik"