Birinchi turda Olimpik Surxonga qarshi maydonga tushadi. Qura tashlash marosimi va turnir haqida jamoa bosh murabbiyi Timur Kapadze o'z fikrlarini bildirdi.

"Menimcha, qura ancha yaxshi o'tdi. Birinchi bahsda kimga qarshi maydonga tushishimizni kutayotgan edik. Umuman olganda, birinchi turlarda hamma jamoalarning imkoniyatlari teng bo'ladi deb o'ylayman.

Har bir uchrashuv qiziq va qiyin bo'lishi aniq. Olimpik jamoasi Superligada debyut qiladi va bu bizga katta tajriba bo'ladi deb o'ylayman. Bu uchrashuvlar orqali oldimizga qo'ygan vazifamizni uddalaymiz. Birinchi turda Surxon bilan tushdik. Umuman olganda, kimga qarshi maydonga tushishimizni ahamiyati yo'q. Chunki hamma bilan qaysidir turda to'qnash kelishimiz aniq. Musobaqani uyda boshlashimiz esa yaxshi deb o'ylayman.

Biz autsayder bo'lib qolmaymiz deb o'ylayman. Chunki tayyorgarligimiz ancha yaxshi o'tmoqda. Biz o'z o'yinimizni ko'rsatamiz. Bolalar ham bunga tayyor. Hamma jamoani hurmat qilamiz, lekin hech bir raqibdan qo'rqmaymiz. Barchasi maydonda hal bo'ladi. Biz barchasiga tayyormiz", - dedi Timur Kapadze.

Timur Kapadze: "Hamma jamoani hurmat qilamiz, lekin hech bir raqibdan qo'rqmaymiz"