Kechagi uchrashuv haqida…

Ispaniyani kuchini yaxshi bilardik. Ularni o'rganib chiqdik, har bir bahslarini tahlil qilishga harakat qildik. Bizga qarshi o'tgan avvalgi o'rtoqlik uchrashuvdagi harakatlarni ham ko'rib chiqdik. To'g'ri, bu tarkib Toshkentga kelganlardan ancha farq qiladi, lekin murabbiy o'sha, taktika o'sha. To'g'ri Ispaniya kuchli, biroq biz ham kuchsiz emasmiz. Jamoam ham kuchli. Kuchimiz etadi deb o'ylayman. Qaerdadir omad etishmadi, hujumlarimizda ozgina aniqlik etishmadi. Biz bundanda yaxshiroq o'yin ko'rsatishimiz mumkin edi deb o'ylayman. Shuning uchun ushbu o'yindan to'g'ri xulosa chiqarishga harakat qilamiz. Tahlil qilamiz. Biz ikkinchi uchrashuvga tayyorgarlikni boshladik. O'ylaymanki, bu o'yin biz uchun yaxshi bo'ldi. Hammani tekshirdik, balki bu o'yin orqali futbolchilarni o'z ishonchini oshirishga yordam berdi deb o'ylayman. Birinchi bo'limda yaxshi o'yladik, balki undanda yaxshi o'ynashimiz ham mumkin edi, ikkinchi bo'limda ham yomon o'yin ko'rsatmadik deb o'ylayman.

Balki ikkinchi bo'limda hujum chizig'imiz ozgina charchab qoldi, balki hali to'liq formaga kirib olmaganmi? Bilasizlar, hujum chizig'i vakillari endi mashg'ulotlarga kirishishdi. Keyin ikkinchi bo'lim boshlarida bizda bo'shliqlar paydo bo'la boshladi. Ayniqsa, bo'lim avvalida. Gollarga etibor bersak, o'tkazib yuborilgan gollarda o'zimiz xatolarga yo'l qo'ydik. Agar himoya va yarim himoyadagi futbolchilarimiz yaxshiroq o'yin ko'rsatganida biz bu gollarni o'tkazib yubormagan bo'lardik.

Birinchi golni jarimadan o'tkazdik, ushbu vaziyatda ham ancha sovuqqon o'ynashimiz mumkin edi. Ispaniyada birinchi bo'limda bundan boshqa vaziyat bo'ldi deb o'ylamayman. O'zimizning vaziyatlardan foydalanganimizda yanada yaxshiroq bo'larmidi deb o'ylayman. Umuman olganda, ikkinchi bo'limda hujum chizig'imizda charchoq sezildi. O'zgarishlardan so'ng yana barchasi joyiga tushdi. Maydonga tushganlar o'yini kuchaytirishdi. Bahs yakunida jamoamiz durangga erishishi ham mumkin edi. Umuman olganda, bugun yigitlar yaxshi harakat qildi. Biroq men ularni bundanda yaxshi o'yin ko'rsatishlariga ishonaman.

Guruhdagi keyingi raqiblarimiz haqida.

Guruhdagi ikkinchi uchrashuvni hali ko'rmadim. Sababi biz yo'lda edik. Endi ko'ramiz. Misrga qarshi uchrashuvga tayyorgarlikni boshlaymiz. Ularga qarshi uyda o'ynagan o'yinimizni, bugungi va boshqa uchrashuvlarini tahlil qilib chiqamiz. Kerakli narsalarni olamiz. Balki bugungi o'yin durang bo'lgani biz uchun yaxshilikkadir. Sababi har ikki jamoa ham bir ochkodan qo'lga kiritdi. Kurash oldinda, o'ylaymanki, biz ham yaxshi tayyorgarlik ko'rib, g'alaba qozonishga harakat qilamiz. Ko'rinib turibdi, Misr hamda Dominikan Respublikasi ham yaxshi darajadagi jamoalar.

Timur Kapadze kechagi uchrashuv, Misr bilan bo'ladigan o'yin haqida fikr bildirdi