O'yin haqida
- Uchrashuv qiyin ruhda o'tishini bilardik, sababi Superligada oson o'yinning o'zi qolmagan. Bugun ham har taraflama qiyin o'yin bo'ldi. To'g'ri, biz gol urishga erishdik, yana bir qancha imkoniyatlarga ega bo'ldik. Biroq "Qo'qon-1912" jamoasi ham jismonan, ham kurashuvchanlik tarafdan yaxshi harakat qildi. Ikkinchi bo'limda raqibning toliqishini bilardik, lekin ular ham bo'sh kelmadi. Biz biroz aniqroq o'yin namoyish etishimiz va ko'proq vaziyat yaratishimiz kerak edi. Afsuski, bu borada oqsadik. Umuman olganda, o'yin biz uchun foydali bo'ldi. Endilikda mazkur bahsni tahlil qilamiz. Yoshlar raqib himoyaviy o'yin namoyish etayotganda, qanday harakat qilish lozimligini bilishi kerak.
- "Olimpik"ning gol o'tkazib yuborishiga sabab bo'lgan birinchi bo'limning so'nggi o'n besh daqiqasida shogirdlaringiz sustkashlikka yo'l qo'yishiga nima sabab bo'ldi?
- Bunday deya olmayman. Chunki raqib shunga majbur qildi. Ular ketma-ket hujumlar tashkil qilishdi, shu bois himoyachilarimiz qiyinchiliklarga duch kelishdi. Ular markazdan uzun uzatmalar, qanotlardan yurishlar orqali hujum tashkillashtirdi. Bazi vaziyatlarda xatoga yo'l qo'ydik, bazilarini bartaraf eta oldik.
- Shaxzod Tairov ikkinchi bo'limda zaxiradan maydonga tushib, qo'pol xatoga yo'l qo'ydi. Shuningdek, yana bir vaziyatda xavfli o'ynadi. Uning o'yinga kirisholmagani nima bilan bog'liq?
- Bilmadim, ehtimol, u o'yinga tayyor bo'lmagandir, har holda markaziy himoyachining xatoga qilishga haqqi yo'q. Lekin xatolar bo'lib turadi. U bilan suhbatlashamiz. Bunday o'yinlarga shay holatda chiqish kerak, aks holda raqib bundan unumli foydalanishi mumkin", dedi "Olimpik" ustozi.
Izohlar