Ushbu tadbir davomida jurnalistlarning savollariga javob qaytargan Timur Kapadze Olimpiya o'yinlaridagi tashkilotchilik masalalari bo'yicha ham o'zi fikrlarini bildirdi. Xususan, murabbiy tashkilotchilik masalaridan biroz ko'ngli to'lmaganini, O'zbekiston Olimpiya terma jamoasi musobaqaning birinchi kunlaridanoq muammolarga duch kelgani haqida gapirdi. Shundan so'ng, ijtimoiy tarmoqlarda Timur Kapadzening fikrlari turli muhokamalarga sabab bo'ldi. Olimpiya terma jamoamiz bosh murabbiy Timur Kapadze ushbu holat bo'yicha tushuntirish berib o'tdi va uning gaplari noto'g'ri talqin qilinayotgani haqida gapirdi.

"Kecha matbuot anjumanidagi gaplarimni internetda noto'g'ri talqin qilinayotganiga ko'zim tushdi. Tarmoqlarda go'yoki men kimnidir aybdor qilib, etarli sharoitlar yaratib berilmaganini aytdi, deb yozishibdi.
Shu o'rinda bu so'zlarga oydinlik kiritib ketsam, biz bilan bog'liq yuzaga kelgan barcha vaziyatlar uchun savollar Olimpiadaning mahalliy tashkiliy qo'mitasiga qaratilgan edi. Olimpiya shaharchasidagi sharoitlarda tashkiliy qo'mitaning bazi kamchiliklarini sanab o'tgandim. Bazilar esa bu fikrlarim boshqacha talqin qildi. Xorijlik boshqa sportchilar bilan gaplashganimizda ham bu kabi muammolar ularda uchrab turganini aytishdi.
Jamoamiz bilan bir necha bor yirik turnirlarda ishtirok etganmiz, FIFA va OFK miqyosidagi musobaqalarda tashkilotchilik biroz boshqacharoq. Sport vazirligi, O'FA yoki MOQ tomonidan doim bizga barcha sharoitlar taqdim etilgan. Olimpiadada ham muammolarimiz aynan O'FA, MOQ hamda Sport vazirligi mutasadillariga murojaatimizdan keyin bartaraf etildi. Shu sababli mening gaplarimni ularga qaratishga urinish umuman noto'g'ri", -deydi Timur Kapadze.

Bahodir Jalolov Olimpiya shaharchasidagi sharoitlarni tanqid qilganlar haqida: "O'sha sportchi nonko'r ekan"

Timur Kapadze Parijdagi tashkilotchilik haqidagi gaplari noto'g'ri talqin qilinayotganini aytdi