Yakunda esa bu jamoa ushbu turnirga tashrif buyurmadi. Biz ushbu masalaga aniqlik kiritish maqsadida “Hokim kubogi” tashkiliy qo'mitasi rahbari, Farg'ona viloyati futbol federaciyasi birinchi vice-prezidenti Tohir Kopadzega murojaat qildik.

- Tohir aka “Oloy” jamoasi nima uchun “Hokim kubogi”da ishtirok etmayapti?
- Avvalo turnirda ishtirok etayotgan barcha jamoalarga ishtiroklari uchun rahmat aytmoqchiman. Biz bu turnirni yildan-yilga nufuzini oshirish yo'lida barcha imkoniyatlarimizni ishga solmoqdamiz. Maqsadimiz Farg'onalik muxlislar qishda ham futbol havosidan nafas olishsin.

O'shning “Oloy” jamoasini ham turnirni yanada qiziqarli va murosasiz o'tishini taminlash maqsadida taklif qilgan edik. Qo'shnilarimiz ham bu turnirda ishtirok etish ular uchun ham qiziqarli bo'lishini aytib, Farg'onaga kelish uchun harakat qildilar. Hozir “Oloy” jamoasining olti kishidan iborat delegaciyasi Farg'onada bo'lib turishibdi. Bular jamoa rahbarlari bo'lib turnirni qanday o'tayotgani va biz ularga qanday sharoitlar hozirlaganimizni o'z ko'zlari bilan ko'rishmoqda.

O'shliklar tarkibida 8 nafar legioner futbolchilar bor bo'lib ular Afrika davlatlari, Turkiya va Tojikistondan ekan. Ana o'sha legioner futbolchilarning hujjatlari bilan bog'liq muammolar yuzaga kelganligi sababli jamoa Farg'onaga kelolmadi. Jamoa rahbarlari esa legionerlarsiz, kuchsizlangan tarkib bilan turnirda ishtirok etishni lozim topmadilar. “Oloy” jamoasining turnirda ishtirok etolmayotganidan biz juda afsusdamiz. Biz ularni kelgusi yildagi turnirlarimizga yana taklif qilamiz va albatta ularni keyingi safar ishtirok etishlariga umid qilamiz - dedi Tohir Kapadze.

Akramjon Mamadaliev suhbatlashdi

Tohir Kapadze: "Oloy" vakillari Farg'onaga kelishgan, lekin..."