Ushbu uchrashuv oldidan Tojikiston milliy terma jamoasi yarim himoyachisi, Dushanbening “Istiqlol” klubi sardori Alisher Jalilovning fikrlari bilan qiziqdik.

- Alisher O'zbekistonga xush kelibsiz. Yo'lda qiyinchiliklar bo'lmadimi?
- Rahmat. Pandemiya sababli aviaqatnovlar to'xtagan. Shunga qaramay avtobusda yaxshi etib keldik. Chegarada bizni yaxshi kutib olishdi va nihoyat Toshkentga etib keldik.

- Bo'lajak o'rtoqlik uchrashuvi oldidan fikrlaringiz qanday? Terma jamoangiz qanday tayyorgarlik ko'rdi?
- O'zbekiston terma jamoasida istedodli futbolchilar ko'p. Jamoani yaxshi o'rgandik. Bunday raqiblarga qarshi o'ynash yoqimli. Toshkentga yaxshi o'yin ko'rsatish uchun keldik. Umid qilaman-ki, bo'lajak uchrashuvda g'alaba qozonamiz.

- O'zbekistonda “Istiqlol” klubi futbolchisi Ehsoni Payshanbe Namanganning “Navbahor” jamoasiga transfer qilingani haqida xabarlar tarqaldi. Ushbu transfer haqida nima deya olasiz va sobiq jamoadoshingizning O'zbekistondagi imkoniyatlarini qanday baholaysiz?
- Ehsoni uchun juda xursandman. “Navbahor” juda yaxshi transferni amalga oshirdi. Yosh bo'lishiga qaramay u juda istedodli futbolchi. Navbahor tarkibini yanada kuchaytirishga,g'alabalariga hissasini qo'shishiga umid qilaman. O'ylaymanki, u hammasini uddalaydi.

Dildora Xolbaeva suhbatlashdi

Tojikiston terma jamoasi yarim himoyachisi Alisher Jalilov: "Navbahor" juda yaxshi transferni amalga oshirdi"