O'sha kuni stadionga ancha barvaqt borganim yodimda. O'yingohga muxlislar oqimining kamligi tufayli ijtimoiy tarmoqqa hazil "post" joylashga ham ulgurgandim.

Malumot uchun, Jasur Abduraimov shogirdlarining g'alabasi bilan tugagan bahsdan keyin elon qilingan malumotlarda "Loko" - "Metallurg" uchrashuviga 970 nafar futbol ishqibozi kelgani aytilgan.

Orada bir muddat muxlislarning stadionga kelishiga taqiq qo'yilgandi. 19-tur oldidan cheklovlar yumshatilib, ruxsat berildi.

Shubhasiz, bu turning markaziy o'yini "Lokomotiv" va "Bunyodkor" jamoalari o'rtasidagi Toshkent derbisi edi.

O'yin haqiqatan derbi nomiga munosib o'tib, "Bunyodkor"dan ajoyib kambek ko'rdik. Lekin ko'ngilni xira qilgan tomoni muxlislarning stadionga tashrifi bo'ldi. O'zbekiston Superligasining markaziy o'yinini 73 nafar ishqiboz stadiondan kuzatgan. Yuqorida aytganimdek, men maktab davrida 3 ta sinfda o'qiganman va 90 dan ortiq sinfdoshim bor...

Bu holatni oqlaydigan yagona sabab bor: o'yinning Olmaliqqa ko'chirilishi poytaxtlik muxlislarga noqulay bo'ldi. Lekin Mikael Sekeyra jamoasi 20-turni Toshkent shahrida o'tkazgani va stadionga faqatgina 355 tomoshabin yig'a olganini inobatga olsak, hech qanday bahonaga o'rin yo'q.

Ilk bor. O'zPFL, "Real Madrid", "Nasaf" va Shomurodov...

"Toshkent grandlarining muxlislari sinfdoshlarimdan ham kamroq!"