Ўша куни стадионга анча барвақт борганим ёдимда. Ўйингоҳга мухлислар оқимининг камлиги туфайли ижтимоий тармоққа ҳазил "пост" жойлашга ҳам улгургандим.

Маълумот учун, Жасур Абдураимов шогирдларининг ғалабаси билан тугаган баҳсдан кейин эълон қилинган маълумотларда "Локо" — "Металлург" учрашувига 970 нафар футбол ишқибози келгани айтилган.

Орада бир муддат мухлисларнинг стадионга келишига тақиқ қўйилганди. 19-тур олдидан чекловлар юмшатилиб, рухсат берилди.

Шубҳасиз, бу турнинг марказий ўйини "Локомотив" ва "Бунёдкор" жамоалари ўртасидаги Тошкент дербиси эди.

Ўйин ҳақиқатан дерби номига муносиб ўтиб, "Бунёдкор"дан ажойиб камбэк кўрдик. Лекин кўнгилни хира қилган томони мухлисларнинг стадионга ташрифи бўлди. Ўзбекистон Суперлигасининг марказий ўйинини 73 нафар ишқибоз стадиондан кузатган. Юқорида айтганимдек, мен мактаб даврида 3 та синфда ўқиганман ва 90 дан ортиқ синфдошим бор...

Бу ҳолатни оқлайдиган ягона сабаб бор: ўйиннинг Олмалиққа кўчирилиши пойтахтлик мухлисларга ноқулай бўлди. Лекин Микаэл Секейра жамоаси 20-турни Тошкент шаҳрида ўтказгани ва стадионга фақатгина 355 томошабин йиға олганини инобатга олсак, ҳеч қандай баҳонага ўрин йўқ.

Илк бор. ЎзПФЛ, "Реал Мадрид", "Насаф" ва Шомуродов...

"Тошкент грандларининг мухлислари синфдошларимдан ҳам камроқ!"