Шу муносабат билан бугун Тошкентдаги "Боткин" қабристонида “Пахтакор-79” хотирасига бағишланган тадбир ўтказилди.

Футбол жамоатчилиги авиафалокат оқибатида дунёдан кўз юмган футболчилар шарафига ўрнатилган ёдгорликни зиёрат қилиш учун “Боткин” қабристонига ташриф буюришди. Унда ЎФА раҳбарияти, Суперлиганинг бир қатор клублари ва мухлислар иштирок этишди.

Мирзаҳаким Тўхтамирзаев олиб борган тадбирда Евгений Валицкий, Тўлаган Исоқов каби фахрийлар, "Пахтакор" футбол клуби раиси ўринбосари Дилшод Каримов, ЎФА бош котиби Аваз Максумов ва ЎФА Биринчи вице президенти Равшан Эрматов сўзга чиқишди. Эътиборлиси "Пахтакор"нинг собиқ футболчиси, грециялик Василис Хадзипанагиснинг дўстлари Грециядан Тошкентга етиб келишди. Тадбир давомида ўтганлар хотираси учун қуръон тиловат қилинди.

Фотогалереяни тўлиқ ҳолда сайтимизнинг махсус бўлими орқали томоша қилиш мумкин. ФОТОГАЛЕРЕЯ

фото: Жаҳонгир Файзуллаев

Тошкентда “Пахтакор-79” хотирасига бағишланган тадбир ўтказилди