Saudiya Arabistoniga yo'l olishdan oldin O'FA matbuot xizmati BAAdagi yig'in davomida kelib qo'shilgan Ikrom Aliboev bilan intervyu tashkil qildi. Hususan intervyuning dastlabki qismida futbolchi 2018 yil Jakartadagi Osiyo o'yinlari chorak finalidan o'rin olgan Janubiy Koreya bilan o'yindan keyingi qiziqarli voqealardan birini aytib berdi.

"Janubiy Koreya bilan o'yindan so'ng Son Xyon Min avtobusimizga chiqqani rost. O'zining minnatdorchiligini bildirdi, barchaga rahmat aytib keyingi o'yinlarda omad tiladi. Qaysidir manoda u xursand edi. Chunki yutqazib qo'yganida majburiy harbiy xizmatga yo'l olardi. Koreya qonunlariga ko'ra har qanday fuqaro ikki yillik harbiy xizmatni o'tashi shart",- deydi Aliboev O'FA matbuot xizmatiga.

Mazkur uchrashuvdan so'ng Janubiy Koreya matbuotida Ikrom Aliboev Koreyani ko'mib qo'ydi, degan maqolalar chiqqan edi. Bundan yarim himoyachimizning xabari bo'lganmi?

"Seul" jamoasiga o'tganimdan so'ng bundan xabar topdim. Muxbirlar tomonidan o'sha turnir bo'yicha ko'p savollar berilgandi. Hali hamon bu borada jamoadoshlarim ko'p bor so'rab turishadi",- deydi Ikrom Aliboev O'FA matbuot xizmatiga.

"Tottenxem" futbolchisi terma jamoamiz avtobusida nimalar degandi? Ikrom Aliboev javob berdi