Bazilar mavsumda 30 talab gol urgani uchun qadr topsa, ayrimlarning didi nisbatan nozikligi va faqat hal qiluvchi gollarni urib yurishi esda qoladi. Masalan, Eder Lopishni hujumchi sifatida Ronaldu yoki Nani bilan qiyoslash imkonsiz, ammo 2016 yilgi Evropa birinchiligi haqida gap ketsa, xayolga beixtiyor Franciya darvozasini ishg'ol qilayotgan qora tanli futbolchi keladi.

Bahrom Abdurahimovni ham shundaylar sirasiga kiritsak bo'ladi. Etibor qiling, shahrixonlik futbolchi gol urgan oxirgi 17 ta o'yinda uning jamoalari yutqazmayapti. Bunaqasi so'nggi bor 2017 yilning 4 iyulida sodir bo'lgan edi ("Bunyodkor" 3:2 "Nasaf").

Shu tufayli bu mavzuga chuqurroq to'xtalishga qaror qildik. U 2017 yilning kuzidan keyin o'z nomiga 17 ta gol yozdirib qo'ydi.

"Nasaf" tarkibida

1. "Obod" 0:6 "Nasaf" (2017 yilgi mavsum, 22-tur)

2. "Nasaf" 2:0 "Qizilqum" (2017 yilgi mavsum, 23-tur)

3. "Nasaf" 3:0 "Dinamo" (2017 yilgi mavsum, 25-tur)

4. "Nasaf" 2:0 "Metallurg" (2017 yilgi mavsum, 27-tur)

5. "Nasaf" 4:0 "Paxtakor" (2017 yilgi mavsum, 29-tur)

"Paxtakor" safida

6. "Paxtakor" 2:1 "Metallurg" (2018 yilgi mavsum)

"Metallurg"da

7. "Metallurg" 4:1 "Qizilqum" (2019 yilgi mavsum, 4-tur)

8. "Qo'qon-1912" 2:3 "Metallurg" (2019 yilgi mavsum, 21-tur)

AGMK libosida

9. AGMK 1:0 "Mashal" (2020 yilgi mavsum, 6-tur)

10. AGMK 4:0 "Andijon" (2020 yilgi mavsum, 24-tur)

11. "Lokomotiv" 0:3 AGMK (2020 yilgi mavsum, nimchorak final)

12. AGMK 1:0 "Nasaf" (2020 yilgi mavsum, yarim final)

"Navbahor"da

13. "Navbahor" 2:1 "Mashal" (2021, 10-tur)

"Nasaf" tarkibida

14. "Nasaf" 5:0 "Bunyodkor" (2021, 20-tur)

15. "Surxon" 2:2 "Nasaf" (2021, 19-tur)

16. "Nasaf" 3:1 "Qo'qon-1912" (2021, 24-tur)

17. "Paxtakor" 1:2 "Nasaf" (2021, kubok finali)

Ayni paytda tavallud ayyomini nishonlayotgan Bahrom Abdurahimovga uzoq umr va sihat-salomatlik tilaymiz. Muhim gollarni urishdan charchamasin. Tabriklaymiz!

Mavsum kashfiyoti katta futboldagi debyutini esladi

Tug'ilgan kunini nishonlayotgan "sehrli tayoqcha"