Унга кўра тур футболчиси сифатида "Металлург" ўйинчиси Дониёр Нарзуллаев эътироф этилди. Маҳоратли ярим ҳимоячи "Локомотив" билан ўйинда барча учта голда ассистентлик қилиб жамоасининг ғалабасига муносиб ҳисса қўшди. Биз бу борада "Металлург" жамоаси аъзосининг фикрлари билан қизиқдик.

"Биринчи галда эътибор учун катта раҳмат. Очиғи хурсанд бўлдим. Ўйинга келадиган бўлсак кўрган бўлсангиз биринчи бўлимда устунлик кўпроқ рақиб томонида бўлди. Лекин, биз яхши ҳимояландик. Баҳс курашларга бой тарзда ўтди десам адашмаган бўламан. Икки жамоа ҳам ғалаба учун майдонга тушганди. Биз жамоавий ўйин намойиш қилдик. "Локомотив" ўзи яратган имкониятлардан фойдалана олмади. Александр Лобанов жамоамизни учта яққол голдан қутқариб қолди. Унинг сейвлари бизни янада руҳлантириб юборди. Умуман олганда карантиндан сўнг учрашувга қисқа вақт давомида муносиб тайёргарлик кўрдик",- дейди Нарзуллаев.

Тур футболчиси Нарзуллаев: "Лобановнинг сейвлари жамоамизни руҳлантириб юборди"