"Bunyodkor" - "Paxtakor" o'rtasidagi Toshkent derbisini kuzatish uchun stadionga 18770 nafar tomoshabin tashrif buyurdi.

Bu ko'rsatkich turdagi eng yaxshi natijaga aylandi. Shu boisdan ham turning eng faol muxlislari sifatida toshkentlik ishqibozlarni qayd etdik.

Bu borada ikkinchi o'rin Qarshidagi o'yinda kuzatildi. "Nasaf" - "So'g'diyona" uchrashuvida 11232 tomoshabin tashrif buyurdi. Termizdagi "Surxon" - "Dinamo" bellashuvida 9214 nafar muxlis keldi. To'rtinchi ko'rsatkich sifatida Navoiydagi o'yin kiritildi. "Qizilqum" - AGMK o'yinini 7833 nafar ishqiboz bevosita stadiondan kuzatib bordi. Farg'onada o'tgan "Qo'qon-1912" - "Andijon" bahsida 6651 nafar muxlis tashrif buyurdi. Bekoboddagi yomg'irli o'yin "Metallurg" - "Buxoro" uchrashuvida 4178 nafar tomoshabin keldi.

Shuningdek, ikkinchi tur doirasidagi "Lokomotiv" - "Navbahor" uchrashuvida atigi 4118 nafar muxlislar tashrif buyurdi va bu borada eng kam ko'rsatkich aynan chempion jamoa ishtirokidagi bahsda kuzatildi.

Shu tariqa Superliganing 2-turi uchrashuvlarida jami 61996 nafar tomoshabin tashrif buyurdi. Bu o'rtacha har bir o'yinga 8856 nafar tomoshabindan to'g'ri kelmoqda.

Superliga, 2-tur: Aktamovning haloskori - Elguja, uch xil natija bo'yicha yagonalikni saqlab turgan jamoalar va boshqa tafsilotlar haqida (tur sharhi)

Tur muxlislari - Toshkentda