- Bugungi uchrashuv haqidagi fikrlaringiz?

- Birinchi navbatda musobaqa tashkilotchilariga rahmat aytaman. Tajribamiz ortib bormoqda. O'yindan ko'nglim to'ldi, yigitlar borini berib o'ynashdi. To'g'ri hatolar ham bo'ldi, lekin bugungi uchrashuv uchun yigitlardan minnatdorman.

- Turkmaniston terma jamoasi bugungi uchrashuvda gol urishga loyiqmidi, sababi bugun ko'p havfli vaziyatlar yaratdingiz?

- Ha, mening fikrimcha bugun gol urishga loyiq edik. O'zbekiston terma jamoasi ancha kuchli, shu sabab bizga biroz qiyin bo'ldi, lekin shunga qaramay, biz bugun hech bo'lmasa bitta gol urishimiz kerak edi.

- Birinchi uchrashuvda Turkmaniston sifatli o'yin ko'rsatdi. Bugungi uchrashuvda ham birinchi bo'limda ancha yaxshi harakat qildingiz. Ikkinchi taymda gol o'tkazib yuborilganidan so'ng, jamoangiz hujumga o'tdi va katta potencialga ega ekanligini ko'rsatdi. Shu haqida fikrlaringiz?

- Birinchi o'yinga qaraganda ko'p o'zgarishlarga qo'l urdik. Birinchi taymda kam hujum qildik va ko'proq himoyalandik. Ikkinchi taymda esa hujum qilishga majbur bo'ldik. Potencialimiz albatta yuqori. 2023 yilda endigina ikkinchi yig'inni o'tkazmoqdamiz va yigitlar bir biriga endi ko'nikishni boshlamoqda.

Turkmaniston bosh murabbiyi Mergen Orazov: "Bugun gol urishga loyiq edik"