Шу муносабат билан бугун, 8 ноябрь куни, «Тож-Палас» меҳмонхонасининг матбуот анжуманлари залида ўйинолди матбуот анжумани бўлиб ўтади. Меҳмонлар бош мураббийи Аманқилич Кочумов касаллиги туфайли унда иштирок эта олмади. Унинг ўрнига ёрдамчи мураббий Чорияргули Сейдиев ва "Олмалиқ" клуби ярим ҳимоячиси Арслонмурот Омонов ўз фикрларини билдиришди. Бу ҳақда fft.tj сайти хабар берди.

— Аввало Аманқилич Кочумов матбуот анжуманига кела олмагани учун узр сўрайман. Унинг иссиғи чиққани учун бу ерда эмас. Умид қиламанки эртага жамоани ўзи майдонга бошлаб тушади.

Тожикистон билан ўйинга келсак бу баҳсни биз 2019 йилги Осиё кубоги саралаш баҳсларига тайёргарлик сифатида кўраяпмиз. Душанбега энг кучли таркибни олиб келдик. Жамоамизда 4 нафар легионер бор, улар Чехия ва Ўзбекистон чемпионатларида ўйнашади. Легионер футболчимиз Руслан Мингазовнинг ўйинда иштирок этиши сўроқ остида турибди. Унинг сонида жароҳат бор ва машғулотни ўтказиб юборди.

Тожикистон терма жамоаси кучли ва ривожланаётган жамоа, улар тезкор футбол ўйнашади, охиригача курашади. Яхши ўйин кўрсатишга уринамиз.

Арслонмурот Омонов, Туркманистон терма жамоаси сардори:

— Ўртоқлик ўйинларида жамоа олдида ҳеч қандай аниқ вазифа бўлмайди. Биз Осиё Кубоги-2019 финал босқичига чиқмоқчимиз. Тожикистон жуда яхши жамоа, улар охирги пайтларда анча кучайишди ва бир қатор етакчи жамоалар билан ўртоқлик учрашувлари ўтказишди. Эртага иккала томон учун ҳам кескин баҳс бўлади деб ўйлайман.

Туркманистон мураббийи: "Тожикистон ривожланаётган жамоа"