Turkmaniston milliy terma jamoasi futbolchilari Antaliya (Turkiya)dagi yig'in doirasida Grenlandiya terma jamoasi bilan o'rtoqlik uchrashuvi o'tkazdi.
Uchrashuvda Turkmaniston raqib darvozasiga javobsiz beshta to'p kiritdi (5:0). Markaziy Osiyo jamoasiga g'alaba keltirgan gollarga Elman Tagaev (2), Didar Durdiev, Shanazar Tirkishov va Alibek Abdurahmonov mualliflik qilishdi.
Malumot uchun, Grenlandiya Xalqaro Futbol Federaciyasi (FIFA) yoki boshqa biror qita konfederaciyasi azosi hisoblanmaydi. Mamlakat shu yilnng mart oyida CONCACAF'ga azolik arizasini taqdim etgan.
Eslatib o'tamiz, Turkmaniston JCH-2026 ikkinchi saralash bosqichining “E” guruhida O'zbekiston (6 iyun, Toshkent) va Gonkong (11 iyun, Ashxobod) terma jamoalariga qarshi o'yinlariga tayyorgarlik ko'rmoqda.
Ayni damda Eron va O'zbekiston terma jamoalari 10 ochkodan to'plagan holda “E” guruhida peshqadamlik qilmoqda. Turkmaniston va Gonkong bittadan ochko jamg'argan holda 3-4-o'rinlarni egallab turibdi.
Izohlar