20 ta klub ishtirokida boshlangan turnirda jami 38 uchrashuv o'tkazilib, 176 ta gol urildi. Bu har o'yinga o'rtacha 4,6 tadan to'g'ri keladi.

Musobaqaning eng sermahsul jamoasi "Andijon" bo'ldi. Yosh "burgutlar" 6 o'yinda raqiblari darvozasiga jami 35 marta to'p kiritishdi. Mos ravishda "Andijon" forvardi Azizbek Usmonov eng yaxshi "bombardir"ga aylandi.

Bugun 3-o'rin uchun o'tkazilgan bahsda "Andijon" ustidan zafar quchgan poytaxtning "Bunyodkor"i bronza medallarga ega chiqdi.

Hal qiluvchi bahsda "Paxtakor"ga yirik hisobda engilgan "Nasaf" tarbiyalanuvchilari esa kumush medallarni qabul qilib olishdi.

"Ajdarlar" sardori Aziz Iskanov musobaqaning eng yaxshi futbolchisi sifatida etirof qilindi.

Turnirning eng yaxshi posboni ham, murabbiyi ham "sherlar"dan tanlandi.

Maksim Murkaev ↑↑↑

Farhod Nishonov ↑↑↑

Finalda ishlagan Akobirxo'ja Shukrullaev boshchiligidagi hakamlar guruhiga esdalik sovg'alari topshirildi.

16 yoshgacha bo'lgan o'smirlar o'rtasidagi O'zbekiston chempionati g'olibi - "Paxtakor".

Chempionlarga kubokni futbolimizdagi eng katta nomlardan hisoblangan Mirjalol Qosimov hamda Ravshan Haydarov topshirdi.

Finaldan keyin "Paxtakor" ustozi Piter Xyuistra klub tarbiyalanuvchilari bilan uchrashib, asosiy jamoaning eshigi ular uchun ochiqligi va kelajak aynan ularning qo'lidaligini alohida takidladi.

Eslatib o'tamiz, oktyabr oyida o'tkazilgan U-14 chempionatida "Odil Junior" zafar quchgan edi.

Suratlar O'zPFL matbuot xizmatidan olindi

Xayr, xususiy klublar! (bugungi o'yinlar haqida)

U-16. Tajovuzkor "Andijon", "Nasaf"ga kumush, "Paxtakor" chempion...