Шу боис кўпчиликда савол туғиляпти: агар Ўзбекистон ўсмирлар терма жамоаси гуруҳдан чиқса ким билан ўйнайди? Қуйида бу борада маълумот келтириб ўтамиз.

Ўзгарган формат

U-17 Жаҳон чемпионати шу пайтгача 24та терма жамоа билан ўтказиб келинаётганди, бироқ ФИФА президенти Жанни Инфантино таклифи билан иштирокчилар сони 48тага етказилди. 48 жамоа тўрттадан 12 гуруҳга бўлинган бўлиб, ҳар бир гуруҳдан 1-2-ўринларни эгаллаган жамоалар билан биргаликда энг яхши учинчи ўрин эгаларидан яна 8таси плей-оффга йўл олади. Шунда жами 32та жамоа кейинги босқичга чиқади.

Плей-офф ўтказиш тартиби

Бу ўринда ФИФА яна бир янгиликка қўл урган дейиш мумкин. Гап шундаки, 12та гуруҳ ғолиблари (12та жамоа) умумий алоҳида жадвалга олинади ва фақат биринчи ўринлар жадвали тузилади. Гуруҳ етакчилари жадвали ҳозирги пайтда қуйидагича кўриниш олган.

Ўз гуруҳларида иккинчи ўринни эгаллаган жамоалар учун ҳам алоҳида жадвал шаклланади (жами 12та жамоа). Бу жадвалда фақат иккинчи ўринлар бўлади. Иккинчи ўринни эгаллаб турган жамоалар жадвали шундай кўриниш олган.

Ва охирида 8та энг яхши 3-ўрин эгалари учун ҳам алоҳида жадвал бўлади (жами 8та жамоа). Натижада мусобақанинг 1/16 финали қуйидагича форматда ўтказилади.

Гуруҳ ғолиби №1 - Учинчи ўрин №8

Иккинчи ўрин №4 - Иккинчи ўрин №5

Гуруҳ ғолиби №8 - Учинчи ўрин №1

Гуруҳ ғолиби №9 - Иккинчи ўрин №12

Гуруҳ ғолиби №4 - Учинчи ўрин №5

Иккинчи ўрин №1 - Иккинчи ўрин №8

Гуруҳ ғолиби №5 - Учинчи ўрин №4

Гуруҳ ғолиби №12 - Иккинчи ўрин №9

Гуруҳ ғолиби №2 - Учинчи ўрин №7

Иккинчи ўрин №3 - Иккинчи ўрин №6

Гуруҳ ғолиби №7 - Учинчи ўрин №2

Гуруҳ ғолиби №10 - Иккинчи ўрин №11

Гуруҳ ғолиби №3 - Учинчи ўрин №6

Иккинчи ўрин №2 - Иккинчи ўрин №7

Гуруҳ ғолиби №6 - Учинчи ўрин №3

Гуруҳ ғолиби №11 - Иккинчи ўрин №10

Бу ўринда жамоаларнинг 1дан 32гача бўлган рейтинги тузилмайди ва юқоридаги каби 1/16 финал жуфтликлари шаклланади. Шуниси қизиқки, қолган гуруҳлардаги барча 3-тур ўйинлари тугамагунча Ўзбекистон U-17 кимга тушишини аниқ билмаймиз. Гуруҳда бирни олсак бошқа, иккини олсак бошқа, учинчи билан чиқсак умуман бошқа жамоа рақибимиз бўлиб қолиши мумкин.

Х.Холиқов.

U-17 Жаҳон чемпионати. Гуруҳдан чиқсак, ким билан ўйнаймиз?