Jahon chempionatlaridagi ishtirok

Futbol vatani musobaqada ishtirok etish borasida maqtana olmaydi. Inglizlar uchun Indoneziyadagi turnir beshinchisi sanaladi. Shunga qaramay, evropaliklar 2017 yil Hindiston yashil maydonlarida o'tkazilgan jahon chempionati g'olibiga aylangan. O'sha musobaqaning "Oltin to'p"ini bugungi kunda "Manchester Siti" yulduzlaridan biriga aylangan Fil Foden qo'lga kiritgan.

Saralash bosqichi

Angliya Evropa chempionati orqali mundial yo'llanmasini qo'lga kiritgan besh jamoadan biri bo'ldi. Guruh bosqichida Xorvatiya (1:0), Niderlandiya (4:1) va Shveycariya (0:0) bilan qarama-qarshilikda 1-o'rinni egallagan angliyaliklar chorak finaldayoq Franciyaga 0:1 hisobida imkoniyatni boy berib qo'ydi. Biroq so'nggi yo'llanma uchun o'tish o'yinida Shveycariya (4:2) mag'lub etildi.

Tarkib

Rayan Garri mundialga quyidagi futbolchilarni chaqirdi:

Darvozabonlar

SETFORD Tommi (Ayaks, Niderlandiya), KURD Teddi (Xeshteg Yunayted), XERRIK Finli (Vest Hem).

Himoyachilar

ACHEMPONG Josh-Ko (Chelsi), Megma Joyden (Sautgempton), SEMYUEL LAKIL (Manchester Siti), Semyuels-Smit Ishe (Chelsi), Myurrey-Kempbell Xarrison (Chelsi), JONSON Jo (Luton Taun).

Yarim himoyachilar

MAKALLISTER Finli (Manchester Yunayted), GOLDING Maykl (Chelsi), AMO-AMEYAV Sem (Sautgempton), DENNI Reyss (Chelsi), LYUIS-SKELLI Maylz (Arsenal), RIGG Kris (Sanderlend).

Hujumchilar

DIBLING Tayler (Sanderlend), OBOAVVODUO Jastin (Manchester Siti), NDALA Joel (Manchester Siti), STIVENS Archi (Reyndjers, Shotlandiya), UORXERST Metti (Manchester Siti), NVANERI Itan (Arsenal).

Joriy musobaqadagi ishtirok

"C" guruhidan joy olgan Angliya dastlabki turda Yangi Kaledoniya darvozasiga javobsiz o'nta to'p kiritdi. 2-turda esa Eron 2:1 hisobida mag'lub etildi. Inglizlar so'nggi o'yinda Braziliyaga 1:2 hisobida imkoniyatni boy berib qo'yganiga qaramay, to'plar nisbatiga ko'ra, guruh g'olibiga aylandi.

O'zbekistonga qarshi o'yin oldidan Angliya U-17 murabbiyi qanday fikrda?

"O'zbekiston kuchli jamoa, ular juda yaxshi o'yin uslubiga ega, murabbiyi ham tajribali hisoblanadi. Biz raqibning guruh bosqichidagi o'yinlarini tomosha qildik va ularning kuchli o'yin ko'rsatishini bilib oldik. Bo'lajak o'yin emociyalarga boy bo'ladi va biz bu uchrashuvni intiqlik bilan kutyapmiz," dedi 40 yoshli mutaxassis Rayan Garri.

Oqil Abdubarnoev tayyorladi.

U-17 JCH. Angliya haqida nimalarni bilish lozim?