Мусобақанинг ҳал қилувчи баҳсида амалдаги чемпион Португалия термаси Испанияга қарши тўқнаш келди.

Учрашувда «Валенсия» форварди Ферран Торрес дубль қайд этиб, жамоасига навбатдаги совринни келтирди.

Эслатиб ўтамиз, мусобақа 2002 йилга қадар 18 ёшгача футболчилар ўртасида ташкил этиб келинарди. Ундан сўнг эса форматга ўзгартириш киритилиб, ҳозирги кунга қадар ёшлар ўртасидаги қитъа биринчилиги 19 ёшгача бўлган ўйинчилар ўртасида ўтказилади.

Испания эса умумий ҳисоб бўйича 11 маротаба Европа чемпионлигини қўлга киритиб, бу борада Англияни (10та титул) ортда қолдирган ҳолда совринлар бўйича қитъада етакчи бўлиб олди.

Португалия U-19 – Испания U-19 0:2 (0:1, 0:1)

«Вазген Саркисян» номидаги Республика стадиони.

Голлар: 0:1 – 34 Ферран Торрес, 0:2 – 51 Ферран Торрес.

Португалия U-19 – Биаи, Томаш Тавареш, Гонсалу Лоурейру, Кардозу, Cорреиа (Гомес, 76), Диогу Машаду, Фабиу Виейра (Силва, 76), Гонсалу Рамуш, Витор Феррейра (Cоста, 64), Cоста, Жоау Мариу (Гоувейя, 58).

Испания U-19 – Тенас, Эрик Гарсия, Гильямон, Виктор Переа, Миранда, Моха (Мольехо, 87), Антонио Бланко, Ферран Торрес (Виктор Чуст, 90), Серхио Гомес (Барренечеа, 81), Сальватьерра (Хандро Орельяна, 80), Абель Руис (Мендес, 90).

Огоҳлантиришлар: Гонсалу Рамуш (76), Томаш Тавареш (85), Гонсалу Лоурейру (90).

U-19 Европа чемпионати. Торреснинг дубли Испанияга навбатдаги титулни келтирди