Shu kunlarda Osiyo qitasi bo'ylab ushbu musobaqa uchun markazlashgan tartibdagi saralash bahslari bo'lib o'tmoqda. Yaponiya yoshlar terma jamoasi U-23 Osiyo chempionatiga birinchi bo'lib yo'llanmani naqd qilganini aytib o'tgandik.

Hozirgi paytga kelib Yaponiya U-23dan tashqari yana to'rtta jamoa U-23 Osiyo chempionati yo'llanmasini qo'lga kiritdi. Bular - Quvayt, BAA, Avstraliya va Malayziya.

Timur Kapadze boshqaruvidagi O'zbekiston yoshlar terma jamoasi Toshkentda bo'lib o'tayotgan saralash bosqichida konkursdan tashqari qatnashayotganini yaxshi bilasiz. Vakillarimiz dastlab Saudiya Arabistoni bilan 2:2 hisobini qayd etib, so'ngra Bangladeshni 6:0 hisobida mag'lub etishdi. Futbolchilarimiz oxirgi turni 2 noyabr kuni guruh peshqadamligini qo'lga kiritgan Quvaytga qarshi o'tkazishadi.

"Paxtakor" stadionida bo'lib o'tadigan uchrashuv soat 15:00da boshlanadi. Quvayt o'tgan tur Saudiya Arabistonini 2:1 hisobida mag'lub etganini hisobga olsak, yoshlar terma jamoamizni yana bir qiziqarli bahs kutmoqda.

U-23 Osiyo chempionati. Kelasi yil yurtimizga tashrif buyuradigan jamoalar 5taga etdi