Uchrashuv nihoyasiga etgach, championat.asia sayti muxbiri mikst-zonada futbolchilarning fikrlari bilan qiziqdi.

O'yindan so'ng Tailand etakchisi Benjamin Davis bahs haqidagi fikrlari bilan o'rtoqlashdi.

-Bugungi o'yin haqida fikringiz qanday?

-Bugungi o'yindan mamnunman, chunki bugungi bir ochko keyingi bosqichga chiqishimizga imkoniyat beradi.

-Keyingi raqib Malayziya bo'ladi...

-Ha albatta. O'yingacha yana ikki kun vaqtimiz bor. Bu vaqt ichida biz tiklanib, hatolarimizni ko'rib chiqamiz va Malayziyaga qarshi borimizni berib yaxshi natija qilishga harakat qilamiz.

-Sizningcha o'yindagi qaysi vaziyat eng hal qiluvchisi bo'ldi?

-O'ylashimcha, 90-daqiqadagi gol o'yin taqdirini hal qildi.

-Bugungi o'yin Malayziyaga qarshi bahsga qanday tasir qiladi?

-Hech qanday tasir ko'rsatmaydi. Chunki, orada 2 kunimiz bor. O'z ustimda ishlab, yanada yahshiroq uyin ko'rsatish niyatidaman.

-Siz o'yinga qo'shilishingiz bilan gol urdingiz. Maydonga tushayotgan paytingiz murabbiy nima dedi?

-Murabbiy shunchaki maydonga tushib, o'yinga tasir qilishga harakat qilishmni aytdi.

-Bugungi o'yiningizdan qoniqdingizmi?

-Ha albatta. Ammo har doim o'sish uchun menda ishtiyoq va hohish bor.

-Maydon holatini qanday baholaysiz?

-Maydon ajoyib holatda va futbol uynash uchun barcha sharoit bor.

Vetnam jamoasi etakchilaridan biri Li Min Bins:

-Bizda bu o'yinda g'alaba qozonish uchun juda ham katta ishtiyoq va hohish bor edi. Biz birinchi bo'lib gol urdik, ammo raqibimiz omadli ekan. So'nggi daqiqalarda gol urib, bizni g'alabadan mahrum qildi.

-Jismoniy holatingizda muammo borligi bilinib qoldi...

-Ha albatta, chunki uzoq vaqt davomida hordiq chiqardim va yaqindagina mashg'ulotlarga qaytdim. Shuning uchun ham mashg'ulotlarda bormni berayapman.

-Jamoangiz tezkor gol urgandan keyin o'yinni nazorat qilishda nima to'sqinlik qildi?

-O'yin boshlanishi bilan biz pressing yordamida raqibni xato qilishga majburladik va qulay vaziyatdan foydalandik. Afsuski, keyinchalik g'alabani ushlab qola olmadik.

-Tailand jamoasi o'yini haqida nima deya olasiz?

-Tailand juda ham kuchli jamoa ekan, ayniqsa yarim himoyachilari texnik taraflama juda ham kuchli ekan.

Uchqun Azimov tayyorladi

U-23 Osiyo chempionati. Tailand - Vetnam o'yinidan keyingi "Mixed Zone"