ПСЖ ва "Милан" клублари УЕФА томонидан жаримага тортилди. УЕФА тартиб-интизом қўмитаси икки жамоа ўртасидаги учрашувда мухлислар томонидан юзага келтирилган тартибсизлик сабаб жарима белгилади. Унга кўра, ПСЖ клуби 98 минг евро, "Милан" эса 23 минг евро жарима тўлайди.

Парижлик мухлислар пиротехника воситаларидан фойдаланишган, стадионнинг кириш ва чиқиш йўлларини ёпиб қўйишган. Бундан ташқари, майдонда бегона инсонлар пайдо бўлган. Жаримадан ташқари, ПСЖ битта уй учрашувини чекланган мухлислар билан ўтказади ва икки йиллик синов муддати олади.

Миланликлар эса 23 минг евро жарима тўлашларига ўз мухлислари томонидан ишлатилган тутатувчи воситалар сабаб бўлди.

УЕФА "Милан"га қарши ўйиндаги тартибсизлик сабаб ПСЖни деярли 100 минг евро жаримага тортди