Runining fikricha, angliyaliklar o'zlarining asosiy ustunligi – tezlikdan foydalanishlari kerak. Ayniqsa, Italiya terma jamoasining markaziy himoyachilari juftligining yoshini birgalikda hisoblaganda, taxminan 70 yosh bo'lsa.

"O'ylashimcha, biz favoritmiz. Angliyada etarlicha mahorat bor va futbolchilarning ruhiy holati bilan hammasi joyida.
Faqat men ularni o'yinni sekinlashtirishga urinadigan Italiyaning qarmoqlariga tushmasliklari bo'yicha ogohlantirgan bo'lardim.
Garetning o'rnida bo'lganimda, futbolchilarga to'p bilan tezkor muomala qilishlarini, yuqori tempni saqlab, italiyaliklarni charchatish kerakligini aytardim.
2014 yilda Urugvay bizni shunday o'ynashga majbur qilib, charchatgan, ammo hozirgi Angliya terma jamoasi ko'proq ko'cha xarakteriga ega.
Leonardo Bonuchchi va Jorjo Kellini - ajoyib futbolchilar, ammo eng tezkor emas. Ishonamanki, Garet va Stiv Xoland Alvaro Morataning yarim finalda Italiyaga urgan golini eslashadi. O'sha gol ko'rsatdiki, agar siz tez harakat qilsangiz, ushbu ajoyib markaziy himoyachilarni noqulay holatga keltirish mumkin.
"Agar Angliya Raxim Sterlingni qulay vaziyatga chiqara olsa, Xarri Keyn va boshqa futbolchilar o'z poziciyalarida tezkorlikni namoyish etishsa, Kellini va Bonuchchiga oson bo'lmaydi", – dedi Runi.

Ueyn Runi: "O'ylashimcha, Angliya favorit"