Uli Shtilike: "Oltita o'yindan so'ng Suriya buncha ochko (8) yig'adi deb hech kim o'ylamagan edi. Bu syurpriz bo'ldi, ammo Suriyaning hozirgi holatiga etibor bersak, ularni mag'lub etish oson emas.

O'ylashimcha, Suriya so'nggi turdagi eng yaxshi jamoa bo'ldi. Biz suriyaliklardan bor-yo'g'i 2 ochko oldindamiz va ularni mag'lub etishimiz shart.

Uyda o'ynaymiz va muammolar bo'lmaydi deb o'ylayman. Ammo biz himoyadagi xatolar sonini minimumga etkazishimiz kerak. Murabbiylik vazifasida anchadan beri ishlayman va avval ham bunday holatlarga duch kelganman. Biroq hozir faqat bu jamoa bilan jahon chempionatiga yo'llanma qo'lga kiritish haqida o'ylayapman. Bu ishga kirishsangiz, javobgarlikni bo'yningizga olishingiz kerak, shu sababli odamlarning ham gapini eshitaman".

Ki Son Yon: "Vaziyat yaxshi emas, ammo bu biz bilan sodir bo'lgan eng yomon voqea emas. Suriyani mag'lub etib, vaziyatni o'nglash uchun yaxshi imkoniyatga egamiz. Terma jamoada mamlakatimizning eng yaxshi futbolchilari o'ynaydi va bunday vaqtda siz eng zo'r o'yiningizni ko'rsatishingiz kerak. Ayni damda biz yaxshi o'yinchi ekanligimizni isbotlashimiz shart. Avvalgi bahsda raqib kuchli bo'lgani uchun emas, biz o'yin vaqtida diqqatimizni bir joyga to'play olmaganimiz uchun mag'lub bo'ldik deb o'ylayman. 4 ta o'yin qoldi va agar xatolarni takrorlayversak bu haqiqatdan ham katta muammoga aylanadi".

Uli Shtilike: "Murabbiy bo'lganim tufayli odamlarning ham gapini eshitaman"