- Biz amaldagi chempionga qarshi o'ynadik. Yigitlarga raqib kichik xatoni ham kechirmasligini aytgandik. Birinchi taym boshida xato qildik va Hamdamov chiroyli gol urdi. Keyin kurashdik, ammo ikkinchi taymda ham xato, rekoshet va yana gol o'tkazdik.
"Paxtakor" futbolchilarining mahorati bugun bizdan ustun edi. Yigitlarga o'yin uchun rahmat aytaman, oldinda ikki o'yin qoldi va ularda munosib ishtirok etish kerak.
- Mavsum oxiri lekin jamoa etakchilari ham tashabbusni o'z qo'liga olishni xohlashmadi...
- Etakchilar ham odam. Balki charchashgandir, balki yana boshqa narsadir. Medallar uchun kurashdan chiqib bo'lgandik. Bugun g'alaba qozonganimizda to'rtlikka kirishimiz mumkin edi.
- Keyingi rejalaringiz qanday?
- Klub bilan shartnomam yil oxirigacha amal qiladi. Professional tarzda o'z ishimni bajaraman.
- Klub uchta frontdan birini qurbon qilib qaysidir musobaqada g'olib chiqsa bo'lmasmidi?
- Shunchaki xohish bilan bu narsa amalga oshmaydi. Sababi rahbariyat har bir o'yin va har bir musobaqada g'olib bo'lish vazifasini qo'ygandi. OFK kubogi va mamlakat kubogida munosib qatnashdik, bironta bahsda yutqazmadik faqat penaltilar seriyasida imkoniyatni boy berdik. Xatolar bo'ldi, yaxshi tomoni kelajakda bu xatolarni qilmaymiz.
Izohlar