Улуғбек Бакаев: "Кетма-кет мағлубиятлардан сўнг жамоа тушкун руҳий ҳолатда эди. Сўнгги икки баҳсда сўнгги дақиқаларда гол ўтказиб юборгандик. Бугунги учрашув учун йигитларга раҳмат айтаман. Ушбу ўйин аввалгиларидек чиройли бўлмасада, ғалабага эришдик. 3 кун аввал Кубок баҳсида иштирок этдик, жисмоний ҳолат бўйича рақиб устунроқ эди. Бўшашганимиз йўқ. Мақсадимиз - Суперлигада жон сақлаб қолиш".

- Станисавлевич ва Холтўраевларни алмаштирдингиз...

- Яқиндагина Кубок ўйинида иштирок этдик, Станисавлевичнинг жисмоний ҳолатида муаммо бўлгани учун унинг ўрнига Хумоюнни туширдик ва тўғри қилибмиз. Бу тактик ўзгартириш эди.

- Бугунги баҳсда иштирок этган йигитларингизга неча баҳо қўйган бўлардингиз?

- Ҳозир баҳо қўйиш... Бугун натижа муҳим. Чунки жамоа тушкун ҳолатда, сўнгги икки баҳснинг сўнгги дақиқаларида гол қўйиб юборганди. Бугун дарвозамизни "қуруқ" сақлаб, ғалаба қозонишни мақсад қилгадик. Вазифа уддаланди.

- Икич ҳақида фикрингиз?

- Юқори даражали футболчилиги кўриниб турибди. Жамоа нолга ўйнадими, демак у яхши ҳаракат қилди.

Улуғбек Бакаев: "Мақсадимиз - Суперлигада жон сақлаб қолиш"