"Hammaga xayrli kech. Namangan menga begona emas, bu erga kelganimdan xursandman.

Muxlislarni mavsum starti bilan tabriklayman!

"Navbahor" yaxshi jamoa, har bir chizig'ida kuchli futbolchilar to'p tepishadi.

O'yinga kelsak, har ikki jamoada yaxshi vaziyatlar yuzaga keldi, biz esa taktik ishlanmalar orqali "yopiq" o'yin ko'rsatishga majbur bo'ldik. Futbolchilarimizga alohida tashakkur

bildirmoqchiman", – deydi Ulug'bek Baqoev.

Legioner darvozabon Milan Mitrovich nega ko'rinmadi?

Uning qizi betob bo'lib qolgan, shu bois ertaga operaciya qilinadi. Bu hayotda asosiysi, oila va bolalar. U tezda jo'nab ketishiga to'g'ri keldi.

Bugungi o'yindan nimani kutgandingiz?

"Navbahor" tajovuzkor va hujumkor o'yin namoyish etishini kutgandik. Hisob 0:0 bo'lib turganida, bizda xavfli holatlar yuzaga keldi, agar ularni muvaffaqiyatli tugatganimizda, hisob 0:1 emas, undan kattaroq bo'lishi mumkin edi.

"Navbahor"ni nimani evaziga mag'lubiyatga uchratdingiz?

Biz kichik imkoniyatdan unumli foydalandik, "Navbahor" o'yinni nazorat qilib, chiroyli o'ynadi hamda ko'plab xavfli vaziyatlarni yuzaga keltirdi.

"So'g'diyona" oldiga qanday vazifa qo'yilgan?

Maqsadimiz bitta – har bir o'yinga finaldek qarab, maydonga tushish. Qolganini vaqt ko'rsatadi.

Ulug'bek Baqoev: "Maqsadimiz bitta – har bir o'yinga finaldek qarab, maydonga tushish"