Ulug'bek Mirzaev: "Maqsad - "Andijon" jamoasini kuchaytirish"

Eldor Akmurzayev
27 nov 2022
O'FA hamda O'zPFL yil yakunlariga bag'ishlab o'tkazgan "ENG ZO‘R Uz Football Awards-2022" taqdirlash marosimida klublar rahbarlari ham ishtirok etdi.

Xususan, yaqinda "Andijon" bosh direktori etib tayinlangan Ulug'bek Mirzaev keyingi yilgi rejalar haqida to'xtaldi. 

"Xabaringiz bor, yilning asosiy qismini "Bunyodkor"da o'tkazdim. So'nggi 4 yil davomida mazkur klubda bosh direktor lavozimida ishladim. Noyabr oyi o'rtalarida "Andijon" klubidan taklif bo'ldi. Shaxsan viloyat hokimi Shuhratbek Qo'shoqboevich Abdurahmonov ishga taklif qildilar. Maqsad "Andijon" jamoasini kuchaytirish. Jamoaning keyingi yil Superligada munosib ishtirok etishini taminlash. Kuchli futbolchilar bilan muzokara olib borib klubga jalb qilish, mavsum taraddudini yuqori saviyada o'tkazish. Hamma masalani ko'tardilar. Eng asosiysi "Andijon" klubi butun Andijon futbolini boshqarishi kerak. Butun futbol maktablari, akademiyalar "Andijon" klubi uchun ishlashi lozim. Birorta yosh futbolchi klubimiz etiboridan qolishi kerakmas. Ikkinchidan futbolchi Andijon viloyatidan boshqa viloyatga bejizdan-bejiz shunchaki o'tib ketishi kerakmas. Tizm ishlab chiqdik. Buni taqdim qilamiz. "Andijon" butun viloyat rivojlanishi ustida turadi. Albatta xududi associaciya bilan birgalikda. 

Oldinda ishlarimiz ko'p. Katta hajmdagi ish kutmoqda. Mana yangi format loyihasi elon qilinmoqda. Endilikda Superligada 10-o'rinni egallagan jamoa ham quyi ligaga tushib ketishi mumkin. Shunday jamoa qilishimiz kerakki, birinchi yil uchun 10-o'rindan tepada yuradigan. Niyatlarimiz bor. Jamoamiz imkon qadar yuqori o'rinda yursin. Lekin raqobatni ko'ryapsiz. Dastlabki bosqich uchun kamida o'rnimizni o'rtaroq pog'onada saqlab qolishga etibor qaratyapmiz. Lekin 2024 yil Andijon futboli o'zining 60 yillik yubileyini nishonlaydi. Jamoamiz 1964 yil tashkil qilingan. Shu yubiley uchun Andijonga nimadir taqdim qilishimiz kerak", - deydi Ulug'bek Mirzaev.



Abdulaziz Iskandarov suhbatlashdi


Eldor AkmurzayevMaqola muallifi
Muqova: Championat.asia

Izohlar

Davronbek Beshariq
27 nov 2022
"АНДИЖОН" жамоасига Суперлигада омад... Вокеалар ривожини кузатамиз...
Soccerland777
27 nov 2022
Яхшиям юбилейлар бор)))
Bratan Israilov
28 nov 2022
Худо хохласа Янги мавсумда Суперлигани ёндирип ташемиз Хақиқий водий дербийлари Анжан навбахор нефтчи Эски азалий рақиблар супер ўйин бўлади Орамизга митти болакай Турон хам қўшилган Омад Анжаним
Бек 75
27 nov 2022
Андижон сендан сенсациялар кутамиз. Ёндир Суперлиганиям. Тошкент клубларига "бош огрик " булиб юргин. Парвозинг баланд булсин Бургутлар
Real~14 ☆
27 nov 2022
Ulug'bek aka juda halol odamlar umid qilamiz Andijonni yaxshi klub bolishiga hissa qo'shadi