- O'yin haqida...

- Ushbu o'yinga jiddiy tayyorgarlik ko'rdik. Biroq jismoniy taraflama futbolimizning kamchiliklari bilinib qoldi. Bu borada ishlashimiz kerak.

- Bugun jamoaningiz ikki golida ham assistentlik vazifasini bajardingiz. Bu bir tomondan yaxshi ko'rsatkichdir, ikkinchi tomondan pleymeykerlarga nisbatan ijobiy bo'lmagan kayfiyat uyg'otmaydimi?

- To'g'ri, ammo o'yin davomida kimdadir qulay vaziyat yuzaga keladi va uni amalga oshirishi kerak. Bugun bu vazifa menga to'g'ri kelib qoldi. Har doim yaxshi uzatmalar berishga harakat qilganman. Bugun vaziyatlar bo'ldi, ochiq zonada sheriklarimni ko'rdim va ular bundan unumli foydalanishdi.

- "Nasaf"da ko'pgina bellashuvlarda tayanch yarim himoyachisi sifatida to'p tepyapsiz. Sizga qaysi poziciyada o'ynash qulay?

- Men uchun yillar davomida o'rgangan markaziy himoya poziciyasi qulay. Tayanchda majburiy kuch sifatida bo'shliqlarni to'ldirishga va jamoamizga foydam tegishi uchun harakat qilyapman.

- "Nasaf"ning guruh bosqichida Saudiya Arabistoni klublariga qarshi ro'baro' kelishi qo'shimcha qiyinchiliklar yuklamaydimi? O'tgan yili "Paxtakor"ga ushbu mamlakat jamoalari guruh bosqichida duch kelmagandi.

- Elit OCHLdagi barcha jamoalar kuchli. Guruhdan chiqqan taqdirimizda ham shunday grandlarga qarshi bittalik o'yin oqibatida turnirni tark etishimiz mumkin. Bunda faqatgina guruhdan chiqdik, deb o'zimni xursand qilishimiz mumkin. Qachon, qanday raqib duch keldi, o'sha lahza futbol o'ynash kerak. Raqib tarkibida legioner futbolchilar kuchliligi bilan ajralib turibdi. Shu sababli ular g'alaba qozondi.

Umar Eshmurodov: "Futbolimizning kamchiliklari bilinib qoldi"