Eron muddatidan oldin JCH yo'llanmasini hal qilgan, Suriyada esa JCHga chiqish yo'lida o'z yurishini davom ettirish imkoni majud edi.

Uchrashuvning 13-daqiqasidayoq Tamer Xaj siriyaliklarni hisobda oldinga olib chiqdi. Takidlash joizki, eronliklar ushbu saralash bosqichida 10-uchrashuvga kelib o'z darvozsidan ilk marta to'p olib chiqishdi. Bo'lim oxiriga kelib Sardor Azmun dastlab muvozanatni tikladi, 64-daqiqada mehmonlar darvozasiga ikkinchi to'pni kiritdi. Uchrashuv shu taxlit tugashi kutilayotgan bir paytda endi-endi Suriya termasi tarkibida to'p tepishni boshlagan hujumchi, o'zbekistonlik futbol muxlislariga yaxshi tanish bo'lgan Umar Al Soma jamoadoshi Mardikianning aniq to'p uzatishidan keyin qulay vaziyatga chiqib bordi va jamoasiga bir ochko keltirgan golga mualliflik qildi – 2:2.

Natijada “A” guruhida Suriya hisobida 13 ochko va to'plar nisbatidagi ijobiy ko'rsatkich tufayli ular guruhda uchinchi pog'onadan joy olib, pley ofda kurashni davom ettirish huquqiga ega bo'lishdi.

Umar Somaning goli Suriyani pley offga olib chiqdi