Jumladan, O'FA birinchi vice-prezidenti Umid Ahmadjonov, O'FA bosh kotibi Sardor Rahmatullaev, U-23 terma jamoasi bosh murabbiyi Ravshan Haydarov hamda milliy terma jamoamizning eng mohir o'yinchilaridan biri Server Jeparov shu erda.

Biz fursatdan foydalanib, O'FA vice-prezidenti Umid Ahmadjonovni suhbatga tortdik. Umid Mahamadjonovich qura oldidan o'z fikrlarini bildirib o'tdi.

- "Avvalo shuni aytishim kerak, Osiyo Kubogi juda muhim musobaqa hisoblanadi va bu turnirda terma jamoamiz oldiga yuqori maqsadlar qo'yiladi. Eng katta niyatimiz esa bu 2022 yilgi jahon chempionatiga chiqish, bu haqda ko'p gapirganmiz va doim takrorlashga tayyorman".

- "Quradan nima kutyapman? To'g'risini aytsam, birinchi navbatda kuchli raqiblar tushishini. Nima uchun? Chunki qancha kuchli jamoalar bilan o'ynasak o'yinimiz shunchalik shakllanib boraveradi. Shu bois men guruhimizga kuchli jamoalar tushishini xohlayman".

- "Shu o'rinda taxmin qiladigan bo'lsam, guruhimiz BAA, O'zbekiston, Ummon va KXDR bo'lgani maqul deb o'ylayman. Lekin hammasini qura ko'rsatadi. Nima bo'lganda ham, maqsadimiz Osiyo Kubogi finaliga chiqish hisoblanadi", - deydi Umid Ahmadjonov championat.asia saytiga.

Xayrullo Xoliqov Dubay shahridan mahsus

Umid Ahmadjonov: "Guruhimizga kuchli raqiblar tushishini xohlayman"