Ғарбий минтақада саралаш ўйинлари ўз ниҳоясига етди. Ўз гуруҳларида биринчи-иккинчи ўринларни қўлга киритган Қувайт, Ливан, Баҳрайн ва Саудия Арабистони футзал терма жамоалари Осиё чемпионатига йўл олгани ҳақида хабар бергандик.

ОФК Ғарбий минтақа учун 5та йўлланма ажратган. Кеча ўз гуруҳларида учинчи ўринни эгаллаган БАА ва Уммон терма жамоалари ўзаро куч синашиб, бунда уммонликлар 5:1 ҳисобида зафар қучишди. Шундай қилиб Уммон футзал терма жамоаси қитъа биринчилигига йўл олган бешинчи жамоа бўлди.

Эслатиб ўтамиз, Туркманистонда бўлиб ўтадиган Осиё чемпионатида 16та жамоа иштирок этади ва якунда кучли бешликдан жой олган жамоалар 12 сентябрь - 4 октябрь кунлари Литвада бўлиб ўтадиган жаҳон чемпионатига йўлланма олишади.

Уммон - футзал бўйича Осиё чемпионатига чиққан бешинчи жамоа