Ushbu uchrashuv oldidan milliy termamiz bosh murabbiyi Fabio Kannavaro matbuot anjumanida ishtirok etdi.

- Biz bu erga kecha etib keldik va tiklanish mashg'ulotlarini olib bordik. Bu o'yin oldingisidan farqli bo'ladi. Chunki biz dunyoning eng yaxshi termalaridan, qolaversa, eng yaxshi murabbiylardan biriga qarshi o'ynaymiz. Albatta, bu qiyin bo'ladi. Lekin biz qo'rqmaymiz, o'zimizni ko'rsatishni istaymiz. Bu o'rtoqlik o'yini bo'lsa-da, yuz foiz kuchimizni ishlatib, maydonda borimizni beramiz.

- O'tgan o'yindan keyin ko'proq to'pni nazorat qilish ustida ishlashimiz kerak dedingiz. Ertangi uchrashuvda ham terma jamoa ko'proq to'p nazoratiga etibor qaratadimi?

Bu o'zimizni ko'rsatish uchun juda yaxshi imkoniyat. Ko'proq to'pni nazorat qilishga etibor berishimiz kerak. Chunki to'pni raqibga berish kerak emas. O'yin davomida raqiblarga etiborli bo'lishimiz talab qilinadi. Umid qilamizki, ertaga ko'proq to'p nazoratimizda ko'proq bo'ladi.

- O'rtoqlik uchrashuvlarida qaysi raqiblar bilan to'qnash kelishni maqul ko'rgan bo'lardingiz? Masalan, ayrim murabbiylar kuchsizroq jamoalarga qarshi o'ynashni xush ko'radi, kimdir esa imkon qadar kuchliroq raqib bilan. Sizga qanday raqiblar tanlangani maqulroq?

Raqibni biz tanlamaymiz. Ertaga bizni jahonning eng kuchli termalaridan biriga qarshi o'yin kutib turibdi. Biz doimo shunday uchrashuvlarga tayyorgarlik ko'rishimiz kerak.

- So'nggi xorijlik murabbiy Srechko Katanec dastlabki bir yil davomida o'rtoqlik uchrashuvlaridagi natijaga umuman etibor bermagan. Misol uchun, biz o'rtoqlik o'yinida Iordaniyaga 3:0 hisobida yutqazganmiz. Siz o'rtoqlik o'yiniga qanday nazar bilan qaraysiz? Natija muhimmi yoki o'yin sifati? Sizning javobingizdan kelib chiqib futbol muxlislari ham o'rtoqlik o'yinlaridan bo'lgan kutilmalar hosil qilib olishadi...

Yutqazganimizdan keyin bizni gullar bilan kutib olishadi deb o'ylamayman. Barchasi oddiy, biz natija haqida o'ylashimiz kerak. Bu o'rtoqlik o'yini, lekin katta kuch bilan mehnat qilish kerak. Hamjihatlikda, birgalikda ishlashimiz kerak.

- Urugvayga qarshi o'yinga bir nechta futbolchilar olib ketilmadi. Yaniy dastlabki uchrashuvda qaydnomadan o'rin olganlarning ayrimlari Malayziyaga kelmadi. Ushbu qarorga izoh bersangiz?

- O'rtoqlik o'yini bo'lishiga qaramasdan hamma narsani inobatga olishimiz talab qilinadi. Nimagadir tayyorlanish uchun bunday o'yinlar yaxshi imkoniyat. Chunki jahon chempionati vaqtida bunga vaqtimiz bo'lmaydi. Albatta, bu mening fikrim. Qolganlarning ham fikrini hurmat qilaman. Bizni uzoq safar kutib turibdi. Shu sababli biz barchasiga to'g'ri qarashimiz kerak. Futbolchilarni shuncha yo'lga olib borib, ularni charchatib, shunchaki mashg'ulot uchun olib kelish kerak emas. Oldimizda 8 oy vaqt bor, barchaning o'yinlarini to'liq kuzatamiz.

- Gattuzoning sizga aytgan gaplarini barcha bilib bo'ldi. Unga nima deya javob berdingiz?

- Hozirgi vaqtda bor etiborimizni ertangi o'yinga qaratganimiz yaxshiroq.

- Ko'pchilik Kapadze va sizning o'rtangizdagi munosabatlarga qiziqmoqda. Men jamoa ichida atmosfera yaxshi ekanligini ko'rdim. O'rtangizdagi munosabatlar haqida gapirib o'tsangiz?

- Hozirgi vaqtda bor etiborimizni ertangi o'yinga qaratganimiz yaxshiroq.

Abduvohid Nematov: - Murabbiyimiz takidlaganidek, tiklanish mashg'ulotini o'tkazdik. Xudo xohlasa, ertangi o'yinga tayyormiz. Albatta, bor kuchimiz bilan harakat qilamiz.

Urugvay butun dunyoda o'z o'rniga ega termalardan biri. Murabbiylarimiz videolar orqali ularnin qanday futbol o'ynashini ko'rsatishyapti. Hozir hamma raqibning kuchli va kuchsiz joylarini biladi. Biz o'z o'yinimizni ko'rsatishga harakat qilamiz.

Urugvayga qarshi o'yin oldidan Fabio Kannavaro nimalar dedi?