Xorvatiya - Ispaniya o'zaro 8 marta to'qnash kelgan. Shulardan 3 tasida "shaxmatchilar" g'alaba qozongan bo'lsa, 4 bahsda "qizil furiya"ning qo'li baland kelgan. Bir uchrashuvda esa tomonlar murosa ko'chashini tanlashdi. To'plar nisbati - 9:15, ispanlar foydasiga.

Ikki jamoa o'rtasidagi uchrashuvlar tarixi uzoqqa cho'zilmasligining sababi sifatida Xorvatiya XX asrning 90-yillaridagina mustaqillini qo'lga kiritganini aytish mumkin.

Ushbu raqiblar o'rtasidagi dastlabki to'rtta o'yin o'rtoqlik maqomida o'tdi. 2012 yilgi Evropa chempionati guruh bosqichining so'nggi turida Navasning 88-daqiqada urgan goli ispanlarga g'alaba keltirdi va ispanlarni guruhdan chiqishni taminladi. Natijada ular o'sha turnirda g'alaba qozondi, xorvatlar esa pley-off bosqichidan chetda qoldi.

To'rt yil o'tgach, xuddi shunday holat Franciya yashil maydonlarida yuz berdi. Yana so'nggi turda, yana o'yin yakunida gol. Ammo bu safar Perishich Xorvatiyaning 2:1 hisobidagi g'alabasini taminladi, lekin ikkala jamoa ham 1/8 finalga yo'l ola bildi.

2018 yil 11 sentyabr kuni Elcheda ispanlar xorvatlarni 6:0 hisobida "yanchib tashladi". Ikki oydan so'ng xorvatiyalik himoyachi Tina Jedvayaning dubli xorvatlarga 3:2 hisobidagi g'alabani taqdim etdi.

Ispaniya turnirning eng yaxshi pressing tashkil qiladigan jamoasi hisoblanadi. To'pni raqibdan tezda qaytarib oladi.

Ispanlar to'pni egallab turishda katta ustunlikka ega bo'lishadi. Shveciya va Polsha bilan o'yinlarda jamoa g'alaba uchun etarlicha imkoniyatlar yaratdi, ammo so'nggi zarbani yo'llash muvaffaqiyatsiz tugadi. Slovakiya bilan bahsda noxush anana buzildi. Busketsning qaytishi ham katta rol o'ynadi.

Guruh bosqichida xorvat muxlislarining hafsalasi pir bo'ldi - doimiy optimal sxema qidirish, aql bilan o'ynaydigan hujumchining etishmasligi, sanoqli darajada keskinlik yarata olish hamda inglizlar bilan zerikarli o'yin.

Xuddi Ispaniya singari xorvatlar ham so'nggi turda muammolarini bartaraf etib, Shotlandiyani mag'lub etdi. Modrich va Perishich yaxshi formada, ammo bu xorvatlarga etarli bo'lmasligi mumkin.

Uyqusirab kelgan jamoalar uyqudan uyg'ongach, nima karomat ko'rsata olishadi? Kim yo'lida davom etadiyu, kim shirin uyqusiga qaytadi?

Uyqudan uyg'ongan jamoalar jangi