Dastlab 11-20 iyul kunlari Andijondagi o'z qarorgohidagi mashg'ulotlarda asosan tiklanish jaryonidagi mashqlarga etibor qaratildi. Ikkinchi yig'in 21 iyuldan 3 avgustgacha Toshkent viloyati Qiziltog' shaharchasida davom ettirildi. Bu yig'inda futbolchilarning jismoniy tayyorgarliklariga etibor qaratilishidan tashqari nazorat o'yinlari ham tashkil etildi. Jamoa so'ngi yig'inni 5 avgustdan boshlab Paxtakor-2 jamoasi bilan o'tkaziladigan bahsga qadar o'z qarorgohida davom ettirishmoqda.

Tarkibdagi o'zgarishlarga kelsak jamoani darvozabonlar Dilmurod Mamayusupov (Cementchi), Rahmonjon Tilavoldiev (Andijon), Muhammadmirzo Zokirov, himoyachi Zokirjon Nurmatov (Obod) va yarim himoyachi Shahboz Jumaboevlar tark etishdi. Jamoa yig'inlarida ishtirok etgan darvozabonlar Ravshan Yagudin (Lokomotiv BFK), Abror Karimov (Lokomotiv), yarim himoyachi Xabibullo Buvatoev (Yozyovon-Lochinlari), hujumchilar Bobur Farhodov (Nurafshon) va Asilbek Azizov (UzDongJu-2) bilan shartnoma imzolangan bo'lsa ijaraga berilgan Sardor Asqarov (Kosonsoy) yana jamoaga qaytarildi.

UzDongJu FK matbuot kotibi Sherzodbek Mamadaliev tayyorladi.

"UzDongJu" ikkinchi davraga qanday tayyorgarlik ko'rdi?