O'yindan keyingi matbuot anjumanida "Bunyodkor" bosh murabbiyi Vadim Abramov ishtirok etdi.

- Og'ir o'yin bo'ldi, - deya o'z fikrini bildirdi Vadim Karlenovich, - Ob-havoni o'zingiz ko'ryapsiz. O'ylashimcha, bugun haqli ravishda g'alaba qozondik. Yigitlarga shijoat ko'rsatishgani uchun rahmat aytaman. Ikkinchi davra endi boshlandi, sekin-asta hammasi o'z ishiga tushib ketadi. Xohlardimki, Superliga o'yinlariga ko'proq muxlis kelsa. O'z maydonimizda to'p tepishni boshlaganimizdan so'ng muxlislar soni ko'proq bo'ladi deb o'ylayman.

- Jasur Jaloliddinov zaxirada qoldi va o'yinning oxirlarida maydonga tushdi. Bu nima bilan bog'liq?
- Men tarkibni asosan raqibga qarab tanlayman. Futbolda shunday: hammaga imkon berish kerak. Qolaversa Jasur Jaloliddinov ancha yosh va uni birdaniga hamma o'yinga tushiraverib qiynab qo'yish kerak emas. Jasur hali ko'p amaliyotga ega bo'ladi.

- Avvallagi yillari ko'rganmizki, "Bunyodkor" ayniqsa kuz oylariga kelib toliqib qoladi. Bu yil shunday bo'lmasligi uchun nima qilish kerak deb hisoblaysiz?
- Bilasizmi, bizda "Armanda har doim variant bo'ladi" degan gap yuradi. Shunday ekan, men ham bunday bo'lmasligi uchun nimadir variant o'ylab topishga harakat qilaman. Qani oktyabr-noyabr oylari kelaversin-chi, keyin bu savolni o'ylab ko'ramiz.

Vadim Abramov: "Armanda har doim variant bo'ladi"