- Bugun Abduxoliqov ajoyib o'ynadi. O'tgan o'yinlarda u qanotda o'ynagandi. Bugun hujumda o'rtada o'ynadi. Balki uni shu erda o'ynatavergan maquldir.
- U o'tgan o'yinlarda ham hujumda o'ynagandi. Shunchaki bugun jamoa ham unga yordam berib bordi. Shu bois Temurxo'ja ko'p imkoniyatga ega bo'ldi.

- Nima uchun bugungidek o'yin OCHLda ko'rsatilmagandi?
- Nega endi, biz doim shunday o'ynashga urinamiz. OCHLga Superkubokdan ko'ra ko'proq etibor qilamiz. Shunchaki yigitlar o'yindan o'yinga o'zlarini yaxshi ko'rsatishmoqda.

- Bugun Superkubokda g'olib bo'ldingiz. Ammo ko'rinishingiz xuddi mag'lub bo'lganlardek.
- Men shunday yoshdamanki g'oliblikdan u qadar quvonmayman. Bugun barcha seni tabriklaydi, agar yutqazib qo'ysak hamma urishadi. Bu - hayot.

- Bugungi g'alabani o'tgan yil "Paxtakor"ga qarshi o'yindagi mag'lubiyatga almasharmidingiz?
- Yo'q, men hech bir g'alabani almashmayman. Har bir g'alaba o'ziga yarasha lazzatli. O'z vaqtida BAAga yutqazgandik, Avstraliyaga 0:6 hisobida mag'lub bo'lgandik.

- Temur Kapadze maydonga tusha olmasa uning o'rnini to'ldiradigan futbolchilar bormi?
- Albatta, tarkibda yosh futbolchilar bor. Kapadze ancha charchagan shu bois o'zining bor imkoniyatini ishga sola olmayapti.

- Terma jamoadan qaytgan futbolchilar charchagan deyapsiz. Keyingi safar bu futbolchilarga terma jamoanga chaqirilsa kamroq mashg'ulot o'tkazishni so'rarsiz?
- Yo'q, siz tushunmadingiz. Barcha klub terma jamoa manfaati uchun ishlaydi. Shunchaki ular Osiyo Kubogidek musobaqadan qaytib kelishdi. Masalan, siz Mersedes minib yurasiz va keyin Tikoga o'tasiz. Vaziyat qanday bo'ladi, futbolchilarda ham shunday.

Narzulla Saydullaev

Vadim Abramov: "Har bir g'alabaning o'z o'rni bor"