O'yin haqida

- Yaxshi o'yin bo'ldi. Qizil kartochkagacha va qizil kartochkadan keyingi holatlarda farq bo'ldi deb aytish mumkin. “Surxon” jamoasi ochiq futbol o'ynadi, birinchi golni urib olganimizdan so'ng uyog'iga bizda bo'sh hududlar ko'proq yuzaga keldi.

- Kojo bugun gol ura olmadi, shuningdek o'yin davomida sariq kartochka oldi. Bu borada fikringiz qanday?

- To'g'ri, bugungi o'yin bilan hisoblaganda Kojodagi kartochkalar soni 4 taga etdi va diskvalifikaciyaga uchraydi. Navbatdagi o'yinni o'tkazib yuborishiga to'g'ri keladi.

- Anvarjon Hojimirzaev Superligadagi 9-golini urdi. U hozir chempionatda to'purlar jadvalida etakchilar qatorida turgan mahalliy futbolchi. Milliy terma jamoadan chaqiruv olishga munosibmi sizningcha?

- Bu savolning javobini men bilmayman. Bu savol terma jamoa bosh murabbiyiga berilsa, to'g'ri bo'lardi. U haqiqatdan ham ajoyib o'yin namoyish etayapti.

- Shaxsiy fikringizcha, Hojimirzaev terma jamoa darajasidagi futbolchimi?

- Albatta, bunga shubha yo'q. Uning hozirgi darajasi terma jamoa talabiga javob beradi.

- Hislat Xalilov ketma-ket chiroyli gollarni kiritmoqda. Bu haqida fikringiz qanday?

- Hislat Xalilov ham terma jamoaga nomzod futbolchi. U o'yinlar davomida kutilmagan zarbalarni yo'llaydi va darvozani ishg'ol qiladi. Bugun ham chiroyli gol kiritdi.

Vadim Abramov: “Hojimirzaev terma jamoada o'ynay oladi”