Vadim Abramov: "Paxtakor"ga qarshi o'yinda yigitlarning o'zlari ham tajovuzkorroq o'yin ko'rsatishga urinishadi"

"Muxlislarning tashrifidan xursandmiz. Asosiysi, har ikki jamoa futbolchilarga rahmat deyman. O'ylaymanki, o'yin muxlislarga manzur kelgan.

O'yinni ishonch bilan boshlagandik, goldan keyin ustunlikni berib qo'ydik. "Paxtakor" futbolchilari esa bundan foydalanib qolib, gol urishdi.

Hayriyatki, 3-golni ura oldik.

Chempionat davomida bir tekis o'yin ko'rsatish qiyin. Yigitlar borlarini berishdi. Ularga "Paxtakor" o'z maydonimizda chempion bo'lmasligi kerakligini uqtirdik.

Bizda muammolar juda ko'p. Lekin buni alohida aytib o'tmoqchi emasman.

"Paxtakor"ga qarshi o'yin uchun maxsus ishlanmalarga qo'l urasizmi? "Paxtakor"ga qarshi o'yinda yigitlarning o'zlari ham tajovuzkorroq o'yin ko'rsatishga urinishadi. Chunki ularda terma jamoa futbolchilari to'p tepishadi va "Paxtakor" chempionat lideri. Demakki, bu normal holat.

Umid qilamizki, o'yin muxlislarga manzur kelgan va keyingi o'yinlarda ajiotaj kuzatilishi mumkin.

To'xtasinov jamoamiz etakchisi. U qiyin vaziyatlardan gol uradi, lekin negadir, oddiy vaziyatlarda muvaffaqiyatsizlikka uchraydi.

To'xtasinov termadan chaqiruv olmayotgani ko'pchilikni hayron qoldiryapti? U termada o'ynashi mumkin va nomzodlar orasida bor. Uni chaqirsam, "faqat "Bunyodkor" o'yinchilarini chaqiradi" deyishlari mumkin. Uning poziciyasida terma jamoada futbolchilar ko'p. Masalan, Rashidovni ham hech chaqira olmayapmiz. Chunki uning joyida o'ynaydigan futbolchilar ko'p. Bozorov, Yaxshiboev, O'runov... Bu bir tarafdan odamni quvontiradi. Men uni yaxshi bilaman. Albatta, hammani kuzatib boramiz", – deydi Vadim Abramov.