Mezbon Qatar bilan kechgan o'yinda omad raqibga kulib boqdi. Mazkur uchrashuv borasida O'zbekiston terma jamoasi sobiq murabbiyi Vadim Abramovning fikrlari bilan qiziqdik.
"Qatar yutishimiz kerak bo'lgan jamoa edi. Ikkinchi bo'limni tomosha qildim. Hujumlar uyushtirdik, vaziyatlar yaratdik. Bu mag'lubiyatga o'zlari aybdor, boshqa hech kim emas. Qatar tarkibida 1-2 nafar futbolchini hisobga olmaganda jiddiy xavf tug'diradigan futbolchilar yo'q edi.
Hujumchisiz o'ynash? Buni bosh murabbiydan so'rash kerak. Mening fikrim hech narsani o'zgartirmaydi. Albatta o'z fikrlarim bor. Yaxshisi o'zimda qolgani maqul.
2011 yilgi Qatarga qarshi o'yin bilan kechagini solishtirishdan mano yo'q. Unda boshqa boshqa darajadagi jamoalar to'qnashgan. Shunchaki har bir o'yinga yaxshi tayyorlanish va to'g'ri o'ynash kerak",- deydi Vadim Abramov.
Izohlar