"G'alati o'yin bo'ldi. Birinchi taymda biroz futbol bo'lgandi, ikkinchi taymda gol o'tkazib yuborganimizdan keyin futbol tugadi. Tushunaman, "Sho'rtan" hisobni saqlab qolishni juda ham xohladi. Alamli mag'lubiyat bo'ldi, ammo nima ham qila olardik", – deb gap boshladi Vadim Abramov.
- Bu "Dinamo" uchun Pro ligada mavsumdagi ilk mag'lubiyat bo'ldi...
- Ha, mavsumni mag'lubiyatsiz yakunlaganimizda zo'r bo'lardi, ammo yigitlar allaqachon "tatilga chiqib ketishgani" sezildi, ularda motivaciya yo'qligi ham bilindi.
- Yangi mavsum "Dinamo" Superligada o'ynaydi. Klub qaysi o'rinlar uchun kurashadi?
- Avval Superligaga tayyorlanish kerak. Hozir istalgan o'rinni aytishim mumkin. Menimcha, hamma klub mavsumni yaxshi niyat bilan boshlaydi, ammo barchasi tayyorgarlikka bog'liq.
- Bugun jarohat olib maydonni tark etgan jamoa to'purari Joel Kojoning holati qanday?
- Joel qancha vaqtga safdan chiqqani malum emas. Shifokorlar tekshiruvidan keyin barchasi malum bo'ladi.
- "Dinamo" Pro liga mavsumida atigi 11 ta gol o'tkazdi, himoya chizig'idan qoniqdingizmi?
- Pro liga va Superliganing farqi bor. Superligada munosib o'ynash uchun markaziy himoyachilar kerak bo'ladi.
Izohlar