Shunday qilib AGMK o'z tarixida ketma-ket ikkinchi bor finalga yo'l oldi. "Bunyodkor" esa o'z yurishini yarim finalda to'xtatdi. O'yindan keyingi matbuot anjumanida "Bunyodkor" bosh murabbiyi Vadim Abramov quyidagi fikrlarni bildirdi.

- Afsuski, O'zbekiston Kubogining yarim finalida yurishni to'xtatdik. Futbolda omad kelmasa qiyin. Bugun yomon o'yin ko'rsatdik deb o'ylamayman, ammo yutqazdik. Xatolar mag'lubiyatga olib keldi, - deydi Vadim Karlenovich.

- Nima deb o'ylaysiz, kelasi yil Osiyo chempionlar ligasida o'ynash uchun hali imkoniyat bormi?

- Albatta, bor. Hali kurash davom etyapti. Garchi Kubokdan chiqib ketgan bo'lsak-da, Superligadagi kurash tugagani yo'q.

- Ham terma jamoada, ham klubda ishlash qiyin bo'lmaydimi?

- Qiyin bo'lmaydi deb o'ylayman, chunki terma jamoada bo'lgan paytim yordamchilarim klubdagi ishimga yordam berib turishadi.

Vadim Abramov: "Xatolar mag'lubiyatga olib keldi"