Kecha Navoiyning "Qizilqum" klubiga qarshi nazorat uchrashuvidan so'ng yarim himoyachi Otabek Valijonov yangi mavsumni "lochinlar" safida boshlamasligi malum bo'ldi. Futbolchi va murabbiylar shtabining o'zaro kelishuviga ko'ra Otabek jamoamiz bilan xayrlashdi. O'tgan mavsumda 26 yoshli o'yinchi "Navbahor" tarkibida 23 o'yin (1558 daqiqa) o'tkazib, o'z nomiga 2 gol yozdirib qo'ygandi. Valijonovning kelgusi faoliyatida omad yor bo'lishini tilaymiz!

Jamoamiz muxlislarini tarkibga yangi qo'shiladigan futbolchilar ham qiziqtirib turgani bor gap. Ko'pchilik muxlislar Janubiy Koreyadan kelishi kutilayotgan futbolchiga oid xabarlarni kutishmoqda. Ammo viza masalasi bilan bog'liq ayrim sabablarga ko'ra legionerning tarkibimizga qo'shilishi biroz ushlanib turibdi. Bu muammo ijobiy echim topgach koreyalik futbolchi "Navbahor" ixtiyoriga qo'shiladi.

Valijonov "Navbahor"dan ketdi