Bu FIFAning VAR protokoliga kiritgan yangiligi bilan bog'liq. Yani, uchrashuvdagi vaziyat VAR orqali aniqlansa, bosh hakam chiqarilgan qarorni stadionning o'zida barchaga elon qiladi.

Ushbu yangilik yuzasidan FIFAning o'zbekistonlik instruktori Farhod Abdullaev izoh berdi. Unga ko'ra, hakam maydonni tark etish (monitor orqali vaziyatni ko'rish uchun)dan avval:

- TV-monitor belgisini bildirish;
- Radioaloqa vositasini yoqish.

Hakam VAR bilan bo'lgan suhbat natijasini muxlislarga o'z holicha etkazishi kerak, yani:

- holatning qisqa bayoni;
- o'yinni qanday davom ettirish;
- intizomiy jazo haqida malumot (holat sariq yoki qizil kartochka bilan bog'liq bo'lsa);
- jazolanadigan futbolchi (raqami)ni aytish.

Uchrashuvdan oldin qandaydir iborani yodlashning hojati yo'q, barchasi qisqa va aniq bo'lishi kerak.

"Al Ahli" (Misr) va "Oklend Siti" (Yangi Zelandiya) jamoalari o'yiniga qo'shib berilgan daqiqalarda hakam misrliklar foydasiga penalti belgiladi. Hakam videotakrorni tomosha qilgach, qoidabuzarlik jarima maydoni tashqarisida yuz berganini aniqladi. Shundan so'ng maydonga qaytib, o'z qarorini barchaga elon qildi. Unga ko'ra, penalti bekor qilinib, jarima maydoni tashqarisidan jarima zarbasi belgilandi. Qo'shimchasiga "Oklend Siti" himoyachisi Adam Mitchellga qizil kartochka ko'rsatdi.

VAR protokolidagi yangilikka FIFA instruktori izoh berdi